ចរន្ត​នៃ​ការ​ចាក​ចេញ​ពី​គណបក្ស​មួយ​ទៅ​កាន់​គណបក្ស​មួយ ហាក់​មិន​សូវ​ផុស​ផុល​ ទោះ​មាន​ការ​អំពាវនាវ​ជា​ចំហរ

សំឡេង ១០:៥៥
ស្លាកសញ្ញារបស់គណបក្សសង្គ្រោះជាតិ (ស្តាំ) និងគណបក្សប្រជាជនកម្ពុជា (ឆ្វេង)។
ស្លាកសញ្ញារបស់គណបក្សសង្គ្រោះជាតិ (ស្តាំ) និងគណបក្សប្រជាជនកម្ពុជា (ឆ្វេង)។

គិត​ត្រឹម​ថ្ងៃ​ទី​៣១ តុលា មាន​តំណាង​រាស្ដ្រ សមាជិក​ក្រុម​ប្រឹក្សា​ខេត្ត និង​មេ​ឃុំ -​ចៅ​សង្កាត់​គណបក្ស​សង្រ្គោះ​ជាតិ​សរុប​៤៣​នាក់​ប៉ុណ្ណោះ ដែល​បាន​សម្រេច​ចិត្ត​ចាក​ចេញ​ពី​គណបក្ស​ប្រឆាំង ទៅ​ចូល​រួម​ជាមួយ​គណបក្ស​កាន់​អំណាច បើ​ទោះ​បី​ជា​មាន​ការ​អំពាវនាវ​ជា​ចំហរ​ក្តី ។ ការណ៍​នេះ ​ត្រូវ​បាន​មន្រ្តី​គណបក្ស​ប្រឆាំង​ចាត់​ទុក​ថា យុទ្ធសាស្រ្ត​បែប​នេះ លែង​មាន​ប្រសិទ្ធភាព​ទៀត​ហើយ។ ចំណែក​អ្នក​ឃ្លាំ​មើល​ស្ថានការណ៍​នយោបាយ​នៅ​កម្ពុជា បាន​កត់​សំគាល់​ថា ចរន្ត​នៃ​ការ​ចាក​ចេញ​នេះ ហាក់​មាន​ចំនួន​តិច​តួច​នៅ​ឡើយ បើ​ប្រៀប​ធៀប​នឹង​ការ​បោះ​ឆ្នោត​មុនៗ។