ព្រឹត្តិការណ៍​កម្ពុជា​ប្រចាំថ្ងៃ

​តើ​ទំនាក់​ទំនង​កម្ពុជា-ចិន​នឹង​ឈាន​ដល់​កម្រិត​ណា ក្រោយ​ជំនួប ​ហ៊ុន សែន-ស៊ី ជីងពីង​នៅ​ប៉េ​កាំង​?​

សំឡេង ១២:០៨
រដ្ឋមន្ត្រីការបរទេសចិនលោក វ៉ាង យី ស្វាគមន៍ចំពោះលោកនាយករដ្ឋមន្រ្តី ហ៊ុន សែន ពេលទៅដល់ចិនកាលពីពេលថ្មីៗនេះ
រដ្ឋមន្ត្រីការបរទេសចិនលោក វ៉ាង យី ស្វាគមន៍ចំពោះលោកនាយករដ្ឋមន្រ្តី ហ៊ុន សែន ពេលទៅដល់ចិនកាលពីពេលថ្មីៗនេះ @REUTERS

នៅ​ក្នុង​ជំនួប​ជាមួយ​លោក​នាយក​រដ្ឋ​មន្រ្តី​កម្ពុជា​ហ៊ុន សែន កាល​ពី​ល្ងាច​ថ្ងៃ​ពុធ លោក​ប្រធានា​ធិប​តី​ចិន ស៊ី ជីងពីង បាន​គូស​បញ្ជាក់​ថា ទំនាក់​ទំនង​រវាង​ចិន និង​កម្ពុជា គឺ​ស្ថិត​ក្នុង​ទំព័រ​សករាជ​ថ្មី​ចាប់​ពី​ពេល​នេះ​ត​ទៅ​។ ការ​គូស​បញ្ជាក់​បែប​នេះ ធ្វើ​ឡើង​បន្ទាប់​ពី​លោក​នាយក​រដ្ឋ​មន្រ្តី​ហ៊ុន សែន បាន​ក្លាយ​ជា​មេដឹក​នាំ​ដំបូង​គេ​បង្អស់​ដែល​បាន​ធ្វើ​ដំណើរ​ទៅ​ចិន ស្រប​ពេល​ដែល​ចិន​កំពុង​រង​នូវ​ការ​វាយ​លុក​យ៉ាង​ខ្លាំង​ពី​វីរុស​កូរ៉ូណា។ ដូច្នេះ បន្ទាប់​ពី​ជំនួប​រវាង​មេដឹក​នាំ​កំពូល​ទាំង​ពីរ​ក្នុង​ពេល​ដែល​ចិន​កំពុង​ជួប​ការ​លំបាក​បែប​នេះ តើ​ទំនាក់​ទំនង​រវាង​កម្ពុជា និង​ចិន នឹង​វិវត្ត​ដល់​កម្រិត​ណា​?