ព្រឹត្តិការណ៍​កម្ពុជា​ប្រចាំថ្ងៃ

​តើ​ការ​អនុម័ត​ច្បាប់​ដាក់​ទណ្ឌ​កម្ម​ពី​សំណាក់​សហ​រដ្ឋ​អាមេរិក​មាន​ឥទ្ធិ​ពល​មក​លើ​មន្រ្តី​កម្ពុជា​ដែរ​ឬ​ទេ​?​

សំឡេង ១០:០៦
សភាជាន់ទាបអាមេរិកអនុម័តសេចក្តីស្នើច្បាប់ដាក់ទណ្ឌកម្មលើមន្រ្តីរដ្ឋាភិបាលកម្ពុជា
សភាជាន់ទាបអាមេរិកអនុម័តសេចក្តីស្នើច្បាប់ដាក់ទណ្ឌកម្មលើមន្រ្តីរដ្ឋាភិបាលកម្ពុជា @Internet

ការ​ដែល​សភា​ជាន់​ទាប របស់​អាមេរិក​អនុម័ត​សេចក្តី​ស្នើ​ច្បាប់​ស្តីពី​លទ្ធិ​ប្រជា​ធិបតេយ្យ​កម្ពុជា ត្រូវ​បាន​ទទួល​ការ​សារទ​ពី​សំណាក់​តំណាង​អតីត​គណបក្ស​សង្រ្គោះ​ជាតិ​នៅ​ក្រៅ​ប្រទេស​។ សារទ​ដោយ​សារ​តែ​ពួក​គេ​អះអាង​ថា នេះ​ជា​ជោគ​ជ័យ​មួយ​ក្នុង​ការ​ទាម​ទារ​ឲ្យ​សហរដ្ឋអាមេរិក​ដាក់​ទណ្ឌកម្ម​លើ​មន្រ្តី​ជាន់​ខ្ពស់​ ដែល​ស្និទ​នឹង​លោក​នាយក​រដ្ឋមន្រ្តី ហ៊ុន សែន ​ក្រោមហេតុផលជាប់​ពាក់​ព័ន្ធ​នឹង​ការ​រំលោភ​សិទ្ធិ​មនុស្ស ដែល​គេ​សំដៅ​ដល់​ការ​រំលាយ​គណបក្ស​សង្រ្គោះ​ជាតិ​។ ប៉ុន្តែ​ពី​ខាង​រដ្ឋាភិបាល​កម្ពុជា​វិញ គឺ​មិន​អាច​ទទួល​យក​បាន​ទេ ដោយ​អំពាវ​នាវ​ឲ្យ​សហ​រដ្ឋ​អាមេរិក​ពិចារណា​ឡើង​វិញ ដើម្បី​បន្ត​ទំនាក់​ទំនង​ល្អ និង​ផល​ប្រយោជន៍​រួម​គ្នា​។