ភ្ញៀវប្រចាំថ្ងៃ

លោក​បណ្ឌិត សុខ ទូច ៖ ការ​ស្រាវ​ជ្រាវ​កិច្ច​ការ​ព្រំដែន គឺ​ដើម្បី​បញ្ចប់​វិបត្តិ​អតីត​កាល​

សំឡេង ១២:២៥
លោក សុខ ទូច បណ្ឌិតផ្នែកវិទ្យាសាស្ត្រនយោបាយ និងជាសកលវិទ្យាធិការនៃសកលវិទ្យាល័យខេមរៈ។
លោក សុខ ទូច បណ្ឌិតផ្នែកវិទ្យាសាស្ត្រនយោបាយ និងជាសកលវិទ្យាធិការនៃសកលវិទ្យាល័យខេមរៈ។ RFI
ដោយ៖ ឃុត សុខឿន
១៧ នាទី

ជិត​១​ឆ្នាំ​ហើយ ដែល​ក្រុម​អ្នក​ស្រាវ​ជ្រាវ​កិច្ច​ការ​ព្រំដែន នៃ​រាជ​បណ្ឌិត្យ​សភា​កម្ពុជា​ ចុះ​ទៅ​ធ្វើ​ការ​ស្រាវ​ជ្រាវ​ និង ប្រមូល​ទិន្នន័យ​បង្គោល​ព្រំដែន នៅ​តាម​បណ្តោយ​ព្រំដែន​កម្ពុជា​-​វៀតណាម។ ហើយ​ពេល​នេះ​ អ្នក​ស្រាវ​ជ្រាវ​កំពុង​រៀប​ចំ​ឯក​សារ ដើម្បី​បង្ហាញ​អំពី​លទ្ធផល​នៃ​ការ​ស្រាវ​ជ្រាវ​នេះ​។ លទ្ធ​ផល​នេះ អាច​ធ្វើ​ ឲ្យ​អ្នក​នយោបាយ មន្ត្រី​រដ្ឋាភិបាល និង ប្រជា​ពល​រដ្ឋ​ ​ខ្លះ​សប្បាយ​ចិត្ត ឬ ខ្លះ​ទៀត​មិន​សប្បាយ​ចិត្ត​។ សម្រាប់​លោក សុខ ទូច ប្រធាន​ក្រុម​អ្នក​ស្រាវ​ជ្រាវ​កិច្ច​ការ​ព្រំដែន នៃ​រាជ​បណ្ឌិត្យ​សភា​កម្ពុជា លទ្ធផល​​ទាំង​​អស់​​គឺ​​បាន​​មក​​ពី​​ការ​​ស្រាវ​​ជ្រាវ​​បែប​​វិទ្យាសាស្ត្រ ហើយ​​ការ​​ស្រាវ​​ជ្រាវ​​នេះ​​ទៀត​​សោត គឺ​​ដើម្បី​​ចង​​ក្រង​​ទុក​​ជា​​ឯកសា​រ​ និង ដើម្បី​បញ្ចប់​វិបត្តិ​អ​តីតកាល ។