ទស្សនៈព្រឹត្តិការណ៍ខ្មែរ

ហេតុ​អ្វី​អាជ្ញាធរ​ខ្មែរ​តឹងរ៉ឹង​ចំពោះ​ការ​ជួបជុំ​សម្ដែង​មតិ​ និង​បាតុកម្ម?

សំឡេង ០៤:១៥
ទិដ្ឋភាព​ប្រជាពលរដ្ឋ​ធ្វើ​ការ​ជួប​ជុំគ្នា​​ ​នៅ​ទីលាន​ប្រជាធិបតេយ្យ​
ទិដ្ឋភាព​ប្រជាពលរដ្ឋ​ធ្វើ​ការ​ជួប​ជុំគ្នា​​ ​នៅ​ទីលាន​ប្រជាធិបតេយ្យ​ RFI/វឌ្ឍនា

ការ​ជួបជុំ​សម្ដែង​មតិ និងការ​ហែ​ក្បួន​ធ្វើ​បាតុកម្ម ដែល​ជា​មូលដ្ឋាន​គ្រឹះ ​នៅ​ក្នុង​លទ្ធិ​ប្រជាធិបតេយ្យ មិន​ត្រូវ​បាន​ស្វាគមន៍​យ៉ាង​ទូលំទូលាយ​ឡើយ បើ​ទោះ​បី​ជា​កម្ពុជា​ប្រកាន់​យក​របប​នេះ​ជាង ​២០​ឆ្នាំ​រួច​មក​ហើយ​ក្ដី​។ ការ​ជួបជុំ​ប្រារព្ធ​ទិវា​សិទ្ធិ​មនុស្ស​កាល​ពី​ចុង​សប្ដាហ៍​កន្លង​ទៅ​នៅ​ភ្នំពេញ ដែល​ធ្វើ​ឡើង​ក្រោម​ការ​ឃ្លាំ​មើល​យ៉ាង​តឹងរ៉ឹង​ពី​សំណាក់​អាជ្ញាធរ​មាន​សមត្ថកិច្ច គឺ​​ជា​ភស្តុតាង​ស្រាប់​។ ភាព​តឹងរ៉ឹង​ដូច្នេះ​នាំ​ឲ្យ​មាន​ការ​រិះគន់ ហើយ​ពេល​ខ្លះ អាច​បង្កើត​ជា​ការ​ប្រឈម​មុខ​ដាក់​គ្នា​រវាង​អ្នក​ជួបជុំ​សម្ដែង​មតិ និង​អាជ្ញាធរ​មាន​សមត្ថកិច្ច​ថែម​ទៀត​។