កម្ពុជា-នយោបាយ

លោក​ហ៊ុន ​សែន​៖ ​សន្តិភាព​និង​ភាព​រឹង​មាំ​នៃ​កំណើន​សេដ្ឋកិច្ច​បង្ហាញ​ថា ​កម្ពុជា​កំពុង​ដើរ​លើ​ផ្លូ​វ​ត្រូវ​

លោកនាយករដ្ឋមន្ត្រី ហ៊ុន សែន​។
លោកនាយករដ្ឋមន្ត្រី ហ៊ុន សែន​។ @FB

ប្រមុខ​រដ្ឋាភិបាល​កម្ពុជា ​លោក ​ហ៊ុន សែន ​កាល​ពី​ថ្ងៃទី​២០ ​ធ្នូ ២០១៩​ ​បាន​​ចាត់​ទុកថា​ ​កម្ពុជា​កំពុង​ធ្វើ​ដំណើរ​លើ​ផ្លូវ​ត្រូវ ​បន្ទាប់​ពី​កម្ពុជា​រក្សា​បាន​នូវ​សុខ​សន្តិភាព ​និង​ភាព​រឹងមាំ​នៃ​កំណើន​សេដ្ឋកិច្ច​កម្ពុជា​នៅ​ឆ្នាំ​២០១៩​នេះ​។​ ការ​បង្ហាញ​សារ​របស់​លោក​នាយករដ្ឋ​មន្ត្រី ​គឺ​ធ្វើ​ឡើង​នៅ​មុន​ដំណាច់​ឆ្នាំ​២០១៩ ​ឈាន​ចូល​ឆ្នាំ​ថ្មី​ឆ្នាំ​សកល​២០២០​ខាង​មុខ​។​ 

ផ្សាយពាណិជ្ជកម្ម

គឺ​តាម​រយៈបណ្តាញ​ទំនាក់ទំនង​សង្គម​ហ្វេសបុក​ដ៏​មាន​ប្រជាប្រិយភាព​របស់​លោក​នាយករដ្ឋ​មន្ត្រី ​ហ៊ុន​ សែន ​លោក​បាន​បង្ហាញ​ពី​មោទនភាព​ដែល​កម្ពុជា​សម្រេច​បាន ​ក្នុង​ការ​រក្សា​បាន​នូវ​កំណើន​សេដ្ឋកិច្ច​របស់​ជាតិ​ថា ​កម្ពុជា​កំពុង​ធ្វើ​ដំណើរ​លើ​ផ្លូ​វត្រូវ​យ៉ាង​ពិត​ប្រាកដ​។ ​ដោយ​បាន​ជូនពរ​ដល់​ប្រជា​ពលរដ្ឋ​កម្ពុជា​នៅ​ក្នុង​ឱកាស​ជិ​ត​ដំណាច់​ឆ្នាំ​ថ្មី​ឆ្នាំ​សកល​២០១៩​ឈាន​ចូល​ឆ្នាំ​២០២០​ ដែល​នៅ​ស​ល់​តែ​​ជាង​​១០​ថ្ងៃ​ទៀត​នោះ ​ប្រមុខ​រដ្ឋាភិបាល​កម្ពុជា​លោក ​ហ៊ុន ​សែន ​បាន​ចាត់​ទុក​ថា ​ក្រោ​ម​កត្តា​សុខ​សន្តិភាព​និង​ភាព​រឹងមាំនៃ​កំណើន​សេដ្ឋកិច្ច​ជាតិ​របស់​កម្ពុជា ​នៅ​ឆ្នាំ​២០១៩​ បាន​បង្ហា​ញ​ច្បាស់​ថា ​កម្ពុជា​កំពុង​ធ្វើ​ដំណើរ​លើ​ផ្លូវ​ត្រូវ​ ។​

គួរ​ជំរាប​ជូន​ថា ​ផ្អែក​តាម​ការ​វាយ​តម្លៃ​ពី​ស្ថាប័ន​ហិរញ្ញវត្ថុអ​ន្តរជាតិ​នានា ​ដូចជា​ ធនាគារ​ពិភព​លោក ​Worl​d Bank​ ធនាគារ​អភិវឌ្ឍន៍​អាស៊ី A​DB​ និង​មូល​និធិហិរញ្ញ​វត្ថុ​អន្តរជាតិ ​IMF ​ថា ​កំណើន​សេដ្ឋកិច្ច​កម្ពុជា​នៅ​ឆ្នាំ២​០១៩​នេះ ​ស្ថិត​នៅ​ក្នុង​រង្វង់​៧%​។​ កំណើន​នេះ ​បើ​ទោះបី​ជា​ទាប​ជាង​ឆ្នាំ ​២០១៨​ ០.៥%​ក្តី ​ក៏​ប៉ុន្តែ​សេដ្ឋកិច្ច​កម្ពុ​ជា​នៅ​តែ​រឹងមាំ​បើ​ធៀប​នឹង​កំណើន​សេដ្ឋកិច្ច​នៅ​ក្នុង​ប្រទេស​តំបន់​អាស៊ាន។​ ជា​មួយ​គ្នា​នេះ ​ផ្អែក​តាម​របាយការណ៍​បូក​សរុប​លទ្ធផល​ការងារ​ពាណិជ្ជ​កម្ម​ឆ្នាំ​២០១៩​ របស់​ក្រសួង​ពាណិជ្ជកម្ម​ កាល​ពី​ថ្ងៃទី ​១៨ ​ធ្នូ ​ក៏​បាន​ឲ្យ​ដឹង​ដែរ​ថា ​រយៈពេល​១០​ខែ ​ឆ្នាំ​២០១៩​នេះ ​ការ​នាំ​ចេញ​ទំនិញ​របស់​កម្ពុជា​ក្រោម​ប្រព័ន្ធ​អនុគ្រោះ​ពាណិជ្ជកម្ម ​និង​កិច្ច​ព្រ​ម​ព្រៀង​ពាណិជ្ជ​កម្ម​សេរី ​បាន​កើន​ឡើង​ជិត​៧% ​ក្នុង​ទំហំ​ទឹក​ប្រាក់​ជិត​១១​ពាន់​លាន​ដុល្លារ​។ ​ក្នុង​នោះ​វិស័យ​វាយ​នភ័ណ្ឌកា​ត់ដេរ​សម្លៀ​កបំពាក់​ មាន​ទំហំ​ទឹក​ប្រាក់​ខ្ពស់​ជាង​គេ ​គឺ​ប្រមាណ​ជា​ង​៦​ពាន់​លាន​ដុល្លារ​។

​យ៉ាង​ណាក្តី​ ខណៈដែល​ប្រមុខ​រដ្ឋាភិបាល​កម្ពុជា​បាន​បង្ហាញ​សារពី​មោទនភាព​នៃ​ការ​រក្សា​បាន​នូវ​កំណើនសេ​ដ្ឋកិច្ច​ និង​សុខ​សន្តិភាព​នេះ ​អ្នក​ធ្វើការ​ងារ​ផ្នែក​សិទ្ធិ​មនុស្ស​បាន​រិះគន់​ថា ​ឆ្នាំ​២០១៩ ​គឺ​ជា​ឆ្នាំ​មិន​ល្អ​សោះឡើ​យ​សម្រាប់​វិស័យ​សិទ្ធិ​មនុស្ស ​និង​សិទ្ធិ​នយោបាយ​។ ​អ្វី​ដែល​អាក្រក់​ជាង​នេះ ​គឺ​បញ្ហា​សិទ្ធិ​​មនុស្ស ​និង​សិទ្ធិ​នយោបាយ​នៅ​កម្ពុជា​នេះ ​កំពុង​ស្ថិត​នៅ​ក្នុង​ការ​ពិចារណា​របស់​សហភាព​អឺរ៉ុប ​ដើម្បី​ឈាន​ទៅ​សម្រេច​លើកា​រ​ដក​ ឬ​ព្យួរ​ប្រព័ន្ធ​អនុគ្រោះ​ពន្ធ ​EBA​ ពី​កម្ពុជា​ទៀត​ផង​៕​

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI