ភ្ញៀវប្រចាំថ្ងៃ

លោកឌិត ទីណា៖ “យើង​ផ្លាស់ប្តូរ​របៀប​ធ្វើការ​ថ្មី​លើ​អាជីវកម្ម​ខ្សាច់”

នៅ​រសៀល​ថ្ងៃ​ពុធ​ទី​២៥​ មីនានេះ ​ក្រសួង​រ៉ែ ​និង​ថាមពល ​ក្រសួង​បរិស្ថាន ​និង​កងរាជ​អាវុធហត្ថ​ បាន​រៀបចំ​សន្និសីទ​សារព័ត៌មាន​រួមគ្នា​មួយ​ជា​លើក​ដំបូង។ ​ជា​សន្និសីទ​ដែល​បង្ហាញ​​ពី​វិធានការ​ការពារ​ម៉ឺងម៉ាត់​ស្តី​ពី​បញ្ហា​អាជីវកម្ម​ខ្សាច់។ ​អាជីវកម្ម​ខ្សាច់​ដែល​ត្រូវ​បាន​គេ​លើក​ឡើង​ថា ​ក្រុមហ៊ុន​បាន​បូមយ៉ាង​អណាធិបតេយ្យ។ ​លោកឌិត​ ទីណា ​រដ្ឋលេខាធិការ​ និង​ជា​អ្នកនាំពាក្យ​ក្រសួង​រ៉ែ​និង​ថាមពល​ បាន​លើក​ឡើង​ថា​ ការ​ផ្តល់​សិទ្ធ​ផ្តាច់មុខ​ដល់​ក្រសួង​រ៉ែ​គឺ​ជា​ការផ្លាស់​ប្តូរ​របៀប​ធ្វើ​ការ​ថ្មី​ប៉ុន្តែ​ក្រសួង​រ៉ែ​និង​ថាមពល​មិន​អាច​គ្រប់គ្រង​ការងារ​ខ្សាច់​នេះ​ដោយគ្មាន​ការ​ចូលរួម​ពី​ភាគី​ពាក់ព័ន្ធ​នោះ​ទេ។