កម្ពុជា-សេដ្ឋកិច្ច

​១០​ខែ​ឆ្នាំ​២០១៩​៖ ការ​នាំ​ចេញ​ទំនិញ​របស់​កម្ពុជា​ក្រោម​ប្រព័ន្ធ​អនុ​គ្រោះ​ពាណិជ្ជ​កម្ម កើន​ឡើង​ជិត​៧%​

កំពង់ផែក្រុងព្រះសីហនុ (រូបតំណាង)
កំពង់ផែក្រុងព្រះសីហនុ (រូបតំណាង) @Internet

របាយការណ៍​ក្រសួង​ពាណិជ្ជ​កម្ម​នៅ​ថ្ងៃទី ១៨ ធ្នូ​នេះ បាន​បង្ហាញ​ថា ការ​នាំ​ចេញ​ទំនិញ​របស់​កម្ពុជា​ទៅ​គ្រប់​ទ្វីប ក្រោម​ប្រព័ន្ធ​អនុ​គ្រោះ​ពាណិជ្ជ​កម្ម និង​កិច្ច​ព្រម​ព្រៀង​ពាណិជ្ជ​កម្ម​សេរី ក្នុង​រយៈ​ពេល​១០​ខែ ឆ្នាំ​២០១៩​នេះ មាន​ទំហំ​ទឹក​ប្រាក់​ជាង​មួយ​ម៉ឺន​លាន​ដុល្លារ (១០៨១៣ លាន​ដុល្លារ)។ ចំនួន​នេះ បាន​កើន​ឡើង ៦.៤៥% បើ​ធៀប​និង​រយៈ​ពេល​ដូច​គ្នា​កាល​ពី​ឆ្នាំ​២០១៨​។ 

ផ្សាយពាណិជ្ជកម្ម

ការ​នាំ​ចេញ​ទំនិញ​របស់​កម្ពុជា​ក្រោម​ប្រព័ន្ធ​អនុ​គ្រោះ​ពាណិជ្ជ​កម្ម និង​កិច្ច​ព្រម​ព្រៀង​ពាណិជ្ជ​កម្ម​សេរី ក្នុង​រយៈ​ពេល​១០​ខែ​ឆ្នាំ​២០១៩​នេះ បាន​កើន​ឡើង​ជាង​៦៥៤​លាន​ដុល្លារ​អាមេរិក ឬ​ស្មើ​នឹង ៦.៤៥%​។ ពោល​គឺ បាន​កើន​ឡើង​ពី ១០១៥៨ លាន​ដុល្លារ​នៅ​ឆ្នាំ​២០១៨ ដល់ ១០៨១៣ លាន​ដុល្លារ​នៅ​ឆ្នាំ​២០១៩​នេះ​។ នេះបើ​យោង​តាម​របាយ​ការណ៍​របស់​ក្រសួង​ពាណិជ្ជ​កម្ម នៅ​ថ្ងៃទី ១៨ ធ្នូ នេះ​។

តាម​រយៈ​របាយ​ការណ៍​បូក​សរុប​លទ្ធ​ផល​ការងារ​ពាណិជ្ជ​កម្ម​ឆ្នាំ​២០១៩ និង​លើក​ទិស​ដៅ​ការងារ​ពាណិជ្ជ​កម្ម​សម្រាប់​២០២០​ខាង​មុខ ក្រសួង​ពាណិជ្ជ​កម្ម​បាន​ឲ្យ​ដឹង​ថា ការ​កើន​ឡើង​នេះ គឺ​បណ្តាល​មក​ពី​ការ​នាំ​ចេញ​លើ​វិស័យ​សំខាន់ៗ​មួយ​ចំនួន តួយ៉ាង​ដូច​ជា វិស័យ​សម្លៀក​បំពាក់ មាន​ទឹក​ប្រាក់​ប្រមាណ​ជាង ៦៤០៦​លានដុល្លារ, ផលិតផ​លវាយនភ័​ណ្ឌមានទឹ​កប្រាក់ប្រមាណជា​ង៤០លានដុល្លារ ស្បែកជើ​ងមានទំហំទឹកប្រា​ក់ប្រមា​ណជាង៩០៥លាន​ដុល្លារ អង្ករមា​នទឹកប្រាក់ប្រមា​ណជាង២៨៦លា​នដុល្លារ រួមនិង​ផលិតផលមួ​យចំនួនទៀ​ត ដែលគិតជាទឹកប្រាក់ប្រ​មាណជាង​១៧៤លា​នដុល្លារអា​មេរិក។ ប៉ុន្តែរបា​យការណ៍បានលើ​កឡើងថា ការនាំចេញ​អនុផលព្រៃឈើ តាមរយៈអា​ជ្ញាប័ណ្ណនាំចេញ បានធ្លាក់ចុះ ពី៦លានដុល្លារ​នៅឆ្នាំ២០១៨ មកនៅត្រឹ​ម២លានដុល្លារ​នៅឆ្នាំ២០១៩នេះ។ ពោល​គឺធ្លាក់ចុះ៤លាន​ដុល្លារស្មើនឹ​ង២០០%។

របាយការណ៍ដដែ​លបាន​លើកឡើងថា ក្រោមប្រ​ព័ន្ធអនុគ្រោះពាណិជ្ជ​កម្មនៅឆ្នាំ២០១៩នេះ ក្រសួ​ងបានចុះបញ្ជីរោ​ងចក្រកាត់ដេ​រសម្លៀកបំពាក់​និងផលិតស្បែក​ជើងបានចំនួ​ន៥១រោងចក្រ ចុះបញ្ជី​រោងចក្រផ​លិតកាបូបបានចំនួ​ន២៧រោងច​ក្រ និងចុះបញ្ជីក្រុ​មហ៊ុននាំ​ចេញ និងរោងចក្រផ្សេ​ងៗទៀត បា​នចំនួន ១៣៨ក្រុ​មហ៊ុន។ ការចុះ​បញ្ជីរោងចក្រ និងក្រុ​មហ៊ុនខា​ងលើនេះ សុទ្ធ​តែបានកើនឡើង បើប្រៀ​បធៀបនឹងរយៈពេ​លដូចគ្នា កាលពី​ឆ្នាំ ២០១៨។

គួរជំរា​បជូនថា តាមរយៈគោលន​យោបាយរប​ស់រដ្ឋាភិបា​លកម្ពុជា បានយក​ចិត្តទុកដាក់ខ្លាំ​ងក្នុងការអភិ​វឌ្ឍន៍វិស័យពាណិ​ជ្ជកម្ម ដោយជំ​រុញទីផ្សារនាំចេញ និងពង្រឹ​ងទីផ្សារក្នុងប្រ​ទេស ដើម្បីបង្កើន​ល្បឿនសមាហរ​ណកម្មទៅក្នុងសហគ​មន៍សេដ្ឋកិច្ចអាស៊ាន តំបន់ពា​ណិជ្ជកម្មសេរីអាស៊ាន និងពង្រី​កទំនាក់ទំនងពាណិជ្ជ​កម្មអន្តរជាតិ លើកកម្ពស់​សមត្ថភាពផលិតផ​លដើម្បីផ្គត់ផ្គង់ទីផ្សារ លើកកម្ព​ស់ការផ្តល់សេ​វាពាណិជ្ជកម្ម ការកា​រពារកម្មសិទ្ធិបញ្ញា​ និងបង្កើ​នប្រសិទ្ធភា​ពការត្រួត​ពិនិត្យ និងបង្ក្រា​បការក្លែង​បន្លំលើផលិតផល ទំនិញ និងសេវា ដើម្បីការពារអ្នកប្រើប្រាស់ និងការងារ​ប្រកួតប្រជែងប្រ​កបដោយសមធ​ម៌នៅក្នុងវិស័​យពាណិជ្ជ​កម្មនេះ។ ទោះជាយ៉ាងនេះក្តី កម្ពុ​ជាកំពុងប្រឈ​មនឹងហានិភ័យក្នុង​ការនាំទំនិញទៅល​ក់នៅទីផ្សារសហ​ភាពអឺរ៉ុប ក្រោមប្រព័​ន្ធអនុគ្រោះពន្ធ EBA។ កាលពីពេ​លថ្មីៗនេះ ធនាគា​រពិភពលោក World Bank ធនាគា​រអភិវឌ្ឍអាស៊ី ADB និងមូលនិធិហិ​រញ្ញវត្ថុអ​ន្តរជាតិ IMF សុទ្ធតែបានព្យាករណ៍ថា កំណើនសេដ្ឋកិច្ចកម្ពុជានឹងថយចុះពី៧%នៅឆ្នាំ២០១៩ មកនៅត្រឹម ៦.៨% នៅឆ្នាំ ២០២០ នោះប្រសិនបើ​សហភា​ពអឺរ៉ុប ដកឬព្យួរ ប្រ​ព័ន្ធអនុគ្រោះពន្ធ EBA ពីកម្ពុជា នៅខែកុម្ភៈ ឆ្នាំ២​០២០ ខាងមុខនេះ​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI