ព្រឹត្តិការណ៍​កម្ពុជា​ប្រចាំថ្ងៃ

លើស​ពី​ភក់​ជ្រាំ Facebook គឺ​ជា​កន្លែង​បំពុល​ព័ត៌មាន

សំឡេង ០៩:០៤
លើសពីភក់ជ្រាំ Facebook គឺជាកន្លែងបំពុលព័ត៌មាន
លើសពីភក់ជ្រាំ Facebook គឺជាកន្លែងបំពុលព័ត៌មាន REUTERS/Dado Ruvic/Illustration/File Photo

នៅ​ក្នុង​បរិបទ​មួយ ដែល​សង្គម​កម្ពុជា​ឲ្យ​តម្លៃ​ទៅ​លើ​ប្រព័ន្ធ​បច្ចេ​កវិទ្យា ការ​ប្រើ​ប្រាស់​បណ្តាញ​សង្គម​សម្រាប់​ទំនាក់​ទំនង​គ្នា ក៏​កំពុង​ពេញ​និយម​ខ្លាំង​ដែរ​នៅ​កម្ពុជា។ ជា​ពិសេស គឺ​បណ្តាញ​ទំនាក់​ទំនង​សង្គម​ហ្វេស​បុក (Facebook) ដែល​បាន​នឹង​កំពុង​រួម​ចំណែក​ក្នុង​ការ​ជំរុញ​ឲ្យ​មាន​ការ​សំដែង​មតិ និង​ការ​ចែក​ចាយ​ព័ត៌មាន​យ៉ាង​ផុលផុស។ ក៏​ប៉ុន្តែ មាន​ការ​លើក​ឡើង​ថា ហ្វេសបុក (Facebook) ​ក៏​ជា​កន្លែង​ភក់​ជ្រាំ ហើយ​ខ្លះ​ទៀត​ថែម​ទាំង​បាន​ចាត់​ទុក​ថា ហ្វេសបុក គឺ​ជា​កន្លែង​បំពុល​ព័ត៌មាន​ថែម​ទៀត។ តាម​រយៈ​កិច្ច​ពិភាក្សាតុ​មូល​មួយ កាល​ពី​ថ្ងៃ​ទី ៣០ វិច្ឆិកា ក្លិប​អ្នក​កាសែត​កម្ពុជា បាន​មើល​ឃើញ​ថា ហ្វេសបុក កំពុង​ជះ​ឥទ្ធិពល​អវិជ្ជមាន​ជា​ច្រើន​ទៅ​លើ​សង្គម និង​ទៅ​លើ​បណ្តាញ​ផ្សព្វផ្សាយ​ព័ត៌មាន​អាជីព​បែប​ប្រពៃណី​ថែម​ទៀត។ តើ​ហេតុ​អ្វី? សូម​ស្តាប់​សេចក្តី​រាយការណ៍​របស់​ វ៉ា សំណព្វ៖