បទយកការណ៍

សុខ ​សុវណ្ណ ​ស៊ី​សុគន្ធ​៖ ​«មិន​ខ្វល់ថា​ ​លទ្ធផល​យ៉ាង​ណា ​ខ្ញុំ​នៅ​តែ​គាំ​ទ្រ​ក្រុម​ជម្រើស​ជាតិ​កម្ពុជា​»​​

សំឡេង ០៧:៣៤
សុខ ​សុវណ្ណ ​ស៊ីសុគន្ធ ​ពេល​ទស្សនា​ការ​ប្រកួត​កីឡា​បាល់ទាត់​រវាង​ក្រុម​ជម្រើស​ជាតិ​កម្ពុជា ​ប៉ះ​ សិង្ហបុរី ​នៅ​ស្តាត​​អូឡាំពិក​​​ ​​ថ្ងៃ​​ទី​១១​ខែ​មិថុនា​ឆ្នាំ​២០១៥​
សុខ ​សុវណ្ណ ​ស៊ីសុគន្ធ ​ពេល​ទស្សនា​ការ​ប្រកួត​កីឡា​បាល់ទាត់​រវាង​ក្រុម​ជម្រើស​ជាតិ​កម្ពុជា ​ប៉ះ​ សិង្ហបុរី ​នៅ​ស្តាត​​អូឡាំពិក​​​ ​​ថ្ងៃ​​ទី​១១​ខែ​មិថុនា​ឆ្នាំ​២០១៥​ @RFI

យុវជន សុខ សុវណ្ណ ស៊ី​សុគន្ធ ​គឺជា​​អ្នក​គាំទ្រ​បាល់ទាត់​កម្ពុជា​ម្នាក់ ក្នុងចំណោម​អ្នកគាំទ្រ​រាប់ម៉ឺន​នាក់ ដែល​បាន​ចូលរួម​ទស្សនា​ដោយផ្ទាល់ នៅ​ពហុកីឡាដ្ឋាន​ជាតិ នូវ​ការប្រកួត​កីឡា​បាល់ទាត់ វគ្គ​ជម្រុះ​ក្នុង​ពូ​ល ជុំ​ទី២ជើង​ទី១ ដែល​កម្ពុជា​ប៉ះ​ជាមួយ​សិង្ហ​បុរី​កាល​ពី​ថ្ងៃ​ទី​១១​មិថុនា​​កន្លង​​ទៅ​​នេះ។ យុវជន សុខ សុវណ្ណ ស៊ី​សុគន្ធ អាច​​ចាត់ទុកថា ជា​អ្នក​គាំទ្រ​​កីឡា​បាល់​ទាត់​​​ជម្រើស​ជាតិ​​កម្ពុជា​ម្នា​ក់​ដ៍​ងុបងុល ព្រោះ​​យុវជន​​រូបនេះ បាន​អះអាង​ថា «មិន​ខ្វល់​លទ្ធផល ​ចាញ់​រឺ​​ឈ្នះ យុវជន​​រូបនេះ នៅ​តែ​គាំទ្រ​ក្រុម​​ជម្រើសជាតិ​​កម្ពុជា​​ជានិច្ច» ខណៈ​ដែល​​​ប្រជាពល​រដ្ឋ​កម្ពុជា​​ភាគ​ច្រើន បាន​ងាក​មក​គាំទ្រ​វិស័យ​​កីឡាបាល់ទាត់​​កម្ពុជា។