បទយកការណ៍

«បរាភវសូត្រ» អត្តសញ្ញាណ​នៃ​ពិធី​​បុណ្យ​ភ្ជុំបិណ្ឌ!

សំឡេង ១០:៣៩
ការ​ប្រារព្ធ​ពិធី​សាសនា​នៅ​ក្នុង​វត្ត​អារាម​នៃ​ប្រទេស​កម្ពុជា
ការ​ប្រារព្ធ​ពិធី​សាសនា​នៅ​ក្នុង​វត្ត​អារាម​នៃ​ប្រទេស​កម្ពុជា RFI/Siv Channa

ពិធី​បុណ្យ​ភ្ជុំ​បិណ្ឌ​នៅ​ស្រុក​ខ្មែរ ត្រូវ​គេ​សម្គាល់​តាម​រយៈ​ការ​​​បោះ​បាយបិណ្ឌ និង​ការ​ទៅ​វត្ត​ប្រគេន​ចង្ហាន់​ដល់​ព្រះ​សង្ឃ នៅ​ក្នុង​អំឡុង​ថ្ងៃ​ទី​១​រោច ខែភទ្របទ រហូត​ដល់​ថ្ងៃ​ទី​១៥​រោច ខែ​ភទ្របទ ដែល​ជា​ថ្ងៃ​ភ្ជុំ​ធំ​។ ប៉ុន្តែ​ ​អត្តសញ្ញាណនៃ​ពិធី​បុណ្យ​ភ្ជុំ​បិណ្ឌនេះ មិន​មែន​មាន​ត្រឹមតែ​​ប៉ុនណឹង​ទេ។ ពុទ្ធបរិស័ទ​ខ្មែរ​ដឹង​ថា ពិធី​ភ្ជុំ​បិណ្ឌ​ឈាន​ចូល​មក​ដល់ នៅ​ពេល​គេ​ឮ​ធម៌ បរាភវសូត្រ ដែល​បន្លឺ​ចេញ​ពី​វត្ត​អារាម និង​វិទ្យុ​ទូរទស្សន៍ នៅ​វេលា​ទាប​ភ្លឺ​។ តើ បរាភវសូត្រ ជា​ធម៌​អ្វី? មាន​ខ្លឹម​សារ​យ៉ាង​ណា? ហេតុ​អ្វី​បាន​ជា​គេ​ឮ​ធម៌​នេះ​តែ​ក្នុង​រដូវ​បិណ្ឌ​ភ្ជុំ? អ៊ឹម រចនា បាន​ស្វែង​រក​ចម្លើយ​នៃ​សំណួរ​ទាំង​អស់​នេះ​ជូន​លោក​អ្នក តាម​រយៈ​​ព្រះ​ភិក្ខុមុនីបាលោ ជួន កក្កដា ព្រឹទ្ធបុរស​រង​នៃ​សាកលវិទ្យាល័យ​ព្រះ​សីហនុរាជ​​​។