ភ្ញៀវប្រចាំថ្ងៃ
លោក វ៉ាន សំអឿន៖ ខ្ញុំស្មានតែតំណាងរាស្ត្រនៅស្រុកយើងប្រហាក់ប្រហែលនៅស្រុកគេ
ចុះផ្សាយនៅថ្ងៃ៖
ស្តាប់ - ១១:៤៥
ភ្ញៀវរបស់វិទ្យុបារាំងអន្តរជាតិ RFIនៅថ្ងៃសៅរ៍នេះគឺលោក វ៉ាន សំអឿន ដែលបានលាលែងពីមុខងារជាអ្នកតំណាងរាស្ត្រខាងគណបក្សសង្គ្រោះជាតិ នៅថ្ងៃទី១៣ ខែកុម្ភៈ ឆ្នាំ២០១៥។ ធ្លាប់រស់នៅអាមេរិក៣៤ឆ្នាំ និងធ្លាប់ធ្វើការក្នុងក្រុមហ៊ុនប៊ូអ៊ីង(Boeing)២៥ឆ្នាំ លោក វ៉ាន សំអឿន ត្រូវបានព្រះមហាក្សត្រតែងតាំងជាទីប្រឹក្សាផ្ទាល់របស់នាយករដ្ឋមន្ត្រីខ្មែរ នៅថ្ងៃទី១៨ ខែកុម្ភៈ ឆ្នាំ២០១៥ដដែល តាមសេចក្តីក្រាបបង្គំទូលថ្វាយពីប្រមុខរដ្ឋាភិបាល ហ៊ុន សែន។ អតីតអ្នកតំណាងរាស្ត្រអាយុ៦៧ឆ្នាំរូបនេះ បង្ហាញភារកិច្ចថ្មី និងបញ្ជាក់បន្ថែមអំពីមូលហេតុនៃការបោះបង់អាសនៈក្នុងរដ្ឋសភាកម្ពុជា។
