ព្រឹត្តិការណ៍​កម្ពុជា​ប្រចាំថ្ងៃ

រដ្ឋាភិបាល និង​សមាគម​រោងចក្រ​ទទួល​យក​ការ​សម្រេច​ប្រាក់​ឈ្នួល​កម្មករ​ ១៤៨​ដុល្លារ ខណៈ​តំណាង​សហជីព​មិន​សប្បាយ​ចិត្ត​នឹង​តួលេខ​នេះ

សំឡេង ១១:០៦
រូបភាពចាស់៖ ក្រុម​កម្មករ​រាប់​រយ​នាក់ពាក់​អាវ​ពណ៌​ផ្កាឈូក​​បាន​ជួប​ជុំ​គ្នា​នៅ​ទីលាន​ប្រជា​ធិបតេយ្យ​ នៅ​ក្នុង​វេទិកា​កម្មករ​ និយាយ​ពី​ប្រាក់​ខែ​សមរម្យ​។
រូបភាពចាស់៖ ក្រុម​កម្មករ​រាប់​រយ​នាក់ពាក់​អាវ​ពណ៌​ផ្កាឈូក​​បាន​ជួប​ជុំ​គ្នា​នៅ​ទីលាន​ប្រជា​ធិបតេយ្យ​ នៅ​ក្នុង​វេទិកា​កម្មករ​ និយាយ​ពី​ប្រាក់​ខែ​សមរម្យ​។ RFI/ Siv Channa

នៅ​ថ្ងៃ​ទី​ ២៩ ខែ​កញ្ញា ម្សិលមិញ​នេះ រដ្ឋាភិបាល​កម្ពុជា​តាម​រយៈ​ក្រសួង​ការងារ សមាគម​រោងចក្រ​កាត់ដេរ និង​តំណាង​សហជីព​កម្មករ បាន​បោះ​ឆ្នោត​សម្រេច​យក​តួលេខ ១៤៨​ដុល្លារ​អាមេរិក​ ជា​ប្រាក់​ឈ្នួល​អប្បបរមា​របស់​កម្មករ​កាត់​ដេរ។ បើ​ទោះ​បី​ជា​លទ្ធផល​បាន​សម្រេច​ជា​ផ្លូវ​ការ​ក្តី ប៉ុន្តែ​ភាគី​១ ក្នុង​ចំណោម​ភាគី​ទាំង​៣ មិន​ពេញ​ចិត្ត​នឹង​ការ​បោះឆ្នោត​យក​តួលេខ​ខាង​លើ​នេះ​ទេ។