កម្ពុជា-សង្គម

​ក្រសួង​ដែន​ដី​គ្រោង​នឹង​បញ្ចប់​ការ​ចុះ​បញ្ជី​ដី​ធ្លី​៧លាន​ក្បាល​ដី​ឲ្យ​ចប់​សព្វ​គ្រប់​នៅ​ឆ្នាំ​២០​២១​

ក្រសួងដែនដីគ្រោងនឹងបញ្ចប់ការចុះបញ្ជីដីធ្លី៧លានក្បាលដីឲ្យចប់សព្វគ្រប់នៅឆ្នាំ២០២១
ក្រសួងដែនដីគ្រោងនឹងបញ្ចប់ការចុះបញ្ជីដីធ្លី៧លានក្បាលដីឲ្យចប់សព្វគ្រប់នៅឆ្នាំ២០២១ @Internet

ក្រសួង​ដែនដី នគរូប​នីយកម្ម និងសំណង់ ពេញមួ​យឆ្នាំ២០១៩ បានចេញ​ប័ណ្ណ​កម្មសិទ្ធិដី ជាង៤៥ ម៉ឺនប័ណ្ណ ហើយ ក្រសួងគ្រោងនឹង​បញ្ចប់​ការ​ចុះ​បញ្ជី​ដីធ្លី​ចំនួន​៧លាន​ក្បាល​ដី​ ឲ្យ​ចប់​សព្វ​គ្រប់​តែ​ម្តង ​នៅ​ក្នុង​ឆ្នាំ​២០២១​ខាង​មុខ។ ការលើកឡើងរបស់ក្រសួងដែនដីដូច្នេះ ធ្វើឡើងនៅក្នុង​សន្និបាត​បូក​សរុប​ការងារ​ឆ្នាំ២០១៩ និង​លើក​ទិស​ដៅ​ការងារ​ឆ្នាំ​២០២០ របស់ខ្លួន នៅថ្ងៃពុធនេះ នៅសណ្ឋាគា​រភ្នំពេញ ដែលមា​នការចូ​លរួមពីមន្ត្រីជាង៣០០០​នាក់​។ 

ផ្សាយពាណិជ្ជកម្ម

របាយការណ៍​របស់​ក្រសួង​រៀប​ចំ​ដែន​ដី នគរូបនីយ​កម្ម និង​សំណង់​បាន​បង្ហាញ​ឲ្យ​ដឹង​ថា ក្នុង​មួយ​ឆ្នាំ​២០១៩នេះ ក្រសួង​បាន​ចេញ​ប័ណ្ណ​កម្មសិទ្ធិ​ដី​ចំនួនជាង​៤៥ម៉ឺន(៤៥៦ ២១០)បណ្ណ និងចែកដល់ដៃប្រជាពលរដ្ឋចំនួនជាង៣៥ម៉ឺន (៣៥៨ ៧៤៣)បណ្ណ ។ របាយការណ៍​ដដែល បាន​បង្ហាញ​ដឹង​ទៀត​ថា សរុបលទ្ធផលពីពេលចាប់ផ្តើមអនុវត្តដល់ត្រឹមថ្ងៃទី១៣ ខែធ្នូ ឆ្នាំ២០១៩ ក្រសួ​ងបានចេញប​ណ្ណក​ម្មសិទ្ធិដីបាន​ចំនួនជា​ង៥លាន៥សែន (៥ ៥៨៤ ០៣៤) បណ្ណ ស្មើនឹង៧៩,៧៧% នៃក្បា​លដីប៉ាន់ស្មា​ន៧លាន​ក្បាលដី។

តាមលទ្ធ​ផលសម្រេច​បានបែបនេះ ក្រសួង​ដែនដី នឹងបន្តជំ​រុញគាំទ្រដល់​រាជធានី-ខេត្តទាំង២៥ ដើម្បីធ្វើ​ការចុះបញ្ជី​ដីធ្លីដំបូងសម្រេ​ចឲ្យបាន៨០ម៉ឺ​នក្បាលដីនៅក្នុងឆ្នាំ​២០២០ និងឈា​នទៅបញ្ចប់ការចុះ​បញ្ជីដីធ្លី​ចំនួន៧លានក្បា​លដីនៅក្នុងឆ្នាំ​២០២១ខា​ងមុខ។

ដោយឡែកចំ​ពោះវិវាទដីធ្លីវិ​ញ ក្រសួងដែ​នដីបានទ​ទួលពាក្យបណ្តឹង​ចំនួន៨១៧​បណ្តឹង ទទួលដោះ​ស្រាយចំនួន១០៥ករណី ។ ក្នុងនោះ​ដោះស្រាយ​បញ្ចប់ចំនួន ៨១ ករណី និងធ្វើលិខិ​តឆ្លើយតបទៅ​ម្ចាស់បណ្តឹង ឬបង្វែរទៅ​សមត្ថកិច្ចពា​ក់ព័ន្ធវិញចំនួន ២៤ ករណី។ បើតា​មក្រសួង ចាប់ពីឆ្នាំ២០០៥ រហូត​ដល់ខែវិច្ឆិកា ឆ្នាំ២០១៩ គណៈកម្មកា​រសុរិយោដី​បានបញ្ច​ប់វិវាទពាក់​ព័ន្ធនឹងជាង២​ម៉ឺនគ្រួសារ (២១ ៧២៥)ស្មើនឹ​ងផ្ទៃដីចំនួន៦៤ម៉ឺនហិ​កតា។

សរុប​លទ្ធផលពីពេ​លចាប់ផ្តើ​មអនុវត្តពីឆ្នាំ ២០០៣រហូ​តដល់​ខែវិច្ឆិកា ឆ្នាំ២០១៩ គណៈ​កម្មការសុ​រិយោដីក្រុង ស្រុក ខណ្ឌ បានទទួលពា​ក្យបណ្តឹងចំ​នួន៨ ៦៤៣ករណី ដោះស្រា​យបពា្ចប់​ដោយគណៈ​កម្មការសុរិយោ​ដីទាំង៣ថ្នា​ក់ចំនួន៤ ១៣៦ករណី។

ជាមួយនឹងល​ទ្ធផលនេះ ក្រសួង​ដែនដី ក៏បានប្រកាស​ពីការពង្រឹងកិច្ច​ការងាររបស់​ខ្លួនសម្រាប់ឆ្នាំ​ខាងមុខនេះ ដោយ​នឹងបន្តជំរុញ និងតាមដា​នករណីវិវាទដីធ្លីដែ​លប្រជាពល​រដ្ឋដាក់ពាក្យបណ្តឹង​មកកាន់ក្រសួង និងដោះស្រាយវិវាទនោះ។ បន្ថែមលើ​នេះ ក្រសួងដែ​នដីក៏បានអះ​អាងថា នឹងបន្តផ្ស​ព្វផ្សាយ និងបណ្តុះ​បណ្តាលអំពីនីតិវិធី​ដោះស្រាយវិវាទដី​ធ្លីដល់មន្រ្តី​ថ្នាក់ក្រោមរបស់​ខ្លួនផងដែរ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI