បោះឆ្នោតជាតិ៖ បណ្តឹងកើនឡើង តែគជប ថាមិនប៉ះពាល់ដល់លទ្ធផលបោះឆ្នោត ខណៈLDP ទាមទារឱ្យមានដំណោះស្រាយឱ្យបានត្រឹមត្រូវ
ចុះផ្សាយនៅថ្ងៃ៖
ស្តាប់ - ១១:២៨
នៅថ្ងៃម្សិលមិញ គឺជាថ្ងៃចុងក្រោយ នៃការឈប់ទទួលពាក្យបណ្តឹងជុំវិញភាពមិនប្រក្រតី នៅអំឡុងពេលបោះឆ្នោតជាតិជ្រើសតាំងតំណាងរាស្រ្តឆ្នាំ២០១៨។ បើតាមគណៈកម្មាធិការជាតិរៀបចំការបោះឆ្នោត គជប គណៈកម្មការឃុំ-សង្កាត់រៀបចំការបោះឆ្នោត ទទួលបានពាក្យបណ្តឹងជាង ២ពាន់។ ក្នុងចំណោមបណ្តឹងទាំងនោះ គឺស្ទើរតែទាំងអស់ត្រូវបានធ្វើឡើងដោយគណបក្សសម្ព័ន្ធដើម្បីប្រជាធិបតេយ្យ (LDP)។ លោក ខឹម វាសនា ដែលជាប្រធានគណបក្សអះអាងថា បក្សរបស់លោករកឃើញ មានភាពមិនប្រក្រតីជាច្រើន នៅក្នុងការបោះឆ្នោតអាណត្តិនេះ និងចាត់ទុកថាការបោះឆ្នោតឆ្នាំនេះ មានស្ថានភាពអាក្រក់ជាងអាណតិ្តមុន។ សម្រាប់គជប ទទួលស្គាល់ថា បណ្តឹងនៅក្នុងការបោះឆ្នោតជាតិឆ្នាំនេះ មានការកើនឡើង តែជាបណ្តឹងដូចគ្នាៗ និងពុំមានភាពស្មុគស្មាញច្រើនក្នុងការដោះស្រាយឡើយ។
