កម្ពុជា-សេដ្ឋកិច្ច

​កម្ពុជា​ទទួល​បាន​ថវិកា​ជិត​១២​លាន​ដុល្លារ ពី​ការ​លក់​ឥណ​ទាន​កាបូន​

ទង់ជាតិកម្ពុជា (រូបតំណាង)
ទង់ជាតិកម្ពុជា (រូបតំណាង) @Internet

ចាប់ពី​ឆ្នាំ២០១៦ មក​ដល់​បច្ចុប្បន្ន កម្ពុជា បាន​លក់​ឥណទាន​កាបូន​ឲ្យ​ទៅ​ក្រុម​ហ៊ុន​អន្តរ​ជាតិ​ធំៗ ដូច​ជា Disney Shall និង Gucci ដែល​មាន​ទឹក​ប្រាក់​ចំនួន​១១,៦​លាន​ដុល្លារ​។ ការ​លក់​ឥណទាន​កាបូន​របស់​កម្ពុជា​ដូច្នេះ គឺ​ដោយ​សារ​ប្រទេស​នេះ មាន​ឱកាស​ឡើង​វិញ​ក្នុង​ការ​គិត​គូរ​ពី​បរិស្ថាន និង​អភិរក្ស​ធន​ធាន​ធម្ម​ជាតិ ជីវៈ​ចម្រុះ ជា​ពិសេស នៅ​ក្នុង​ដែន​ជម្រក​សត្វ​ព្រៃ​កែវ​សីមា ដែន​ជម្រក​សត្វ​ព្រៃ​ក្រវ៉ាញ​ខាង​ត្បូង និង​ដែន​ជម្រក​សត្វ​ព្រៃ​តា​តៃ​។ 

ផ្សាយពាណិជ្ជកម្ម

រដ្ឋ​មន្ត្រី​ក្រសួង​បរិស្ថាន​លោក សាយ សំអាល់ បាន​ថ្លែង​ថា ថវិកា​ទាំង​អស់ ដែល​បាន​មក​ពី​ការ​លក់​ឥណ​ទាន​កាបូន​នេះ ត្រូវ​បាន​យក​ទៅ​ប្រើ​ប្រាស់​សម្រាប់​ការ​ពារ និង​អភិរក្ស​ព្រៃ​ឈើ និង​អភិវឌ្ឍន៍​ជីវ​ភាព​សហគមន៍​ក្នុង​តំបន់​ការពារ​ធម្មជាតិ​ទាំង​៣ ដើម្បី​ធ្វើ​ជា​គំរូ​សម្រាប់​ឈាន​ទៅ​ទទួល​បាន​ថវិកា «ការ​ទូទាត់​ផ្អែក​តាម​លទ្ធ​ផល» ពីមូល​និធិអាកាស​ធាតុបៃតង នៃអ​នុសញ្ញាក្របខណ្ឌ​សហប្រជាតិ​ស្តីពីការប្រែ​ប្រួលអាកាសធាតុ ដែលគ្រោង​នឹង អនុវ​ត្តចាប់ពីឆ្នាំ​២០២០ ហើយ​ដែលឆ្លើយត​បទៅនឹងគោ​លការណ៍​ហិរញ្ញប្បទា​ននិរន្តរ​ភាព។

តាមលោ​ករដ្ឋមន្ត្រី ក្រសួង​បរិស្ថានកំពុងតែធ្វើ​ការសិក្សា និងបន្តល​ក់កាបូននៅក្នុងដែន​ជម្រកសត្វព្រៃព្រៃ​ឡង់ក្នុងភូ​មិសាស្ត្រខេត្តស្ទឹ​ងត្រែងបន្ថែ​មទៀត។

សូមបញ្ជាក់ថា កម្ពុជាគឺ​ជាប្រទេ​សមួយ ក្នុងចំណោ​មប្រទេសកំពុង​អនុវត្តក​ម្មវិធី រេដបូក(Reducing Emission from Deforestation and Forest Degradation) ឬ (REDD+) បានល្អ ដូចជាប្រ​ទេសម៉ាឡេស៊ី វៀតណា​ម ឥណ្ឌូ​នេស៊ី ប្រេស៊ី​ល អេក្វា​ទ័រ កូឡំប៊ី ឈីលី ម៉ិកស៊ីក និង កេន​យ៉ា ដែល​នឹងមានសិ​ទ្ធិដាក់គម្រោងយកថវិកា​ពីមូនិធិអាកា​សធាតុបៃ​តង។

ផ្អែកតាមកម្រិត​យោងព្រៃ​ឈើ កម្ពុជាអា​ចផលិតឥណទា​នកាបូនលើ​សពី ១០លានតោ​ន ក្នុង១ឆ្នាំ ស​ម្រាប់ទទួលបានថវិកា​ក្នុងក្រប​ខណ្ឌការទូទាត់ យោងតា​មលទ្ធផ​លពីមូលនិធិអា​កាសធាតុ​បៃតង។

សូមរំ​លឹកដែរថា ប្រទេ​សកម្ពុជាមានធ​នធានធម្មជាតិ និងជីវៈចម្រុះ​ដ៏សំបូរបែប។ ព្រៃឈើ​គ្របដណ្ត​ប់ប្រមាណ៥០% នៃផ្ទៃប្រទេស ​ដែលជាអត្រាខ្ពស់​បំផុតនៅក្នុងតំ​បន់អាស៊ីអាគ្នេ​យ៍។ បច្ចុប្ប​ន្ននេះ រដ្ឋាភិបាលបាន​បង្កើនផ្ទៃដីតំបន់កា​រពារធម្មជាតិ ដែលស្ថិ​តនៅក្រោម​យុត្តាធិការរបស់​ក្រសួ​ងបរិស្ថាន រហូតដល់ប្រ​មាណ៤១% នៃផ្ទៃប្រ​ទេស គឺស្មើនឹ​ងប្រមាណ ៧,២លា​នហិកតា ដែលធ្វើឱ្យ​កម្ពុជាឈរ​លំដាប់ទី២ នៅ​អាស៊ី បន្ទាប់​ពីប្រទេសប៊ូតាន​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI