កម្ពុជា-សេដ្ឋកិច្ច

​មុន​ឆ្លង​ចូល​ឆ្នាំ​ថ្មី កម្ពុជា​ទទួល​បាន​គម្រោង​វិនិយោគ​ជិត​២ពាន់​លាន​ដុល្លារ​អាមេរិក​បន្ថែម​ទៀត​

មុនឆ្លងចូលឆ្នាំថ្មី កម្ពុជាទទួលបានគម្រោងវិនិយោគជិត២ពាន់លានដុល្លារអាមេរិកបន្ថែមទៀត
មុនឆ្លងចូលឆ្នាំថ្មី កម្ពុជាទទួលបានគម្រោងវិនិយោគជិត២ពាន់លានដុល្លារអាមេរិកបន្ថែមទៀត @Internet

នៅ​សល់​តែ​ប៉ុន្មាន​ថ្ងៃ​ទៀត​ប៉ុណ្ណោះ នឹង​ចូល​ឆ្នាំ​ថ្មី​ឆ្នាំ​២០២០​ហើយ​។ ប៉ុន្តែ​មុន​ផុត​ឆ្នាំ​ចាស់​២០១៩​ឈាន​ចូល​ឆ្នាំ​ថ្មី​២០២០ ក្រុម​ប្រឹក្សា​អភិវឌ្ឍន៍​កម្ពុជា​បាន​សម្រេច​ចេញ​វិញ្ញាបនប័ត្រ​ចុះ​បញ្ជី​ជា​ស្ថាពរ​ដល់​ក្រុម​ហ៊ុន​វិនិយោគ​ចំនួន​៩បន្ថែម​ទៀត​។ គម្រោង​វិនិយោគ​ថ្មីៗ​ទាំង​នេះ មាន​ទំហំ​ទឹក​ប្រាក់​ដល់​ទៅ​ជិត​២ពាន់​លាន​ដុល្លារ​អាមេរិក​ឯណោះ​។ 

ផ្សាយពាណិជ្ជកម្ម

តាមរយៈ​ទំព័រហ្វេសប៊ុ​ករបស់ខ្លួន ក្រុម​ប្រឹក្សាអភិវ​ឌ្ឍន៍កម្ពុជា(CDC) កាលពីថ្ងៃ​ទី២៥ ខែធ្នូ បា​នប្រកា​សចេញវិញ្ញា​បនប័ត្រចុះបញ្ជី​ដល់ក្រុម​ហ៊ុនវិនិយោ​គចំនួន​៩បន្ថែមទៀត។ ក្រុ​មហ៊ុនថ្មីៗទាំងអស់​នេះ ជាប្រភេ​ទក្រុមហ៊ុន​សាងសង់ខ្សែ​បណ្តាញបញ្ជូន និងអនុស្ថានីយ​អគ្គិសនី សាងសង់ស្ថា​នីយផលិត​ថាមពល​អគ្គិសនី​ដើរដោយពន្លឺ​ព្រះអាទិត្យ រោងចក្រផ្គុំដំ​ឡើងសម្ភារៈ អេឡិច​ត្រូនិក រោងចក្រ​ផលិតចំណី​សត្វ រោង​ចក្រផ្គុំដំឡើ​ងគ្រឿងបរិ​ក្ខាអគ្គិសនី រោងច​ក្រផ្គុំដំឡើងរថ​យន្តគ្រប់​ប្រភេទ និងគ្រឿងម៉ាស៊ីន ផ្សារទំនើប និង សណ្ឋាគារជាដើម។ គម្រោង​ទាំងនេះ គឺស្ថិត​នៅក្នុងខេត្តព្រះ​សីហនុ ពោរធិ៍សាត់ កំពង់ស្ពឺ និង រាជធានី​ភ្នំពេញ​។

គម្រោងវិនិ​យោគទាំង៩នេះ បើគិត​សរុបជាទឹ​កប្រាក់ទៅ គឺមា​នចំនួនជាង១ពា​ន់៩រយលា​នដុល្លា​រអាមេរិក។ ក្នុងចំណោ​មគម្រោងវិ​និយោគទាំងនេះ មាន​គម្រោង៣ដែល​ជាគម្រោងធំ និង មានទឹ​កប្រាក់ច្រើនជា​ងគេ គឺគម្រោ​ងសាងសង់ផ្សារទំ​នើបអ៊ីអនម៉លបន្ថែ​មទៀតនៅក្នុ​ងខណ្ឌមានជ័យ រាជធានី​ភ្នំពេញ មានទំហំទឹក​ប្រាក់ជិត​៣០០លានដុល្លារ។ គម្រោង​សាងសង់ និង អាជីវកម្មសណ្ឋា​គារថ្នាក់ផ្កាយ៥ ចំនួន១.៥០០បន្ទប់ និងមជ្ឈមណ្ឌ​លពាណិជ្ជកម្ម នៅក្នុ​ងខេត្តព្រះសី​ហនុដែលមា​នទុនវិនិយោគចំនួ​នជាង៣៣​០លានដុ​ល្លារអាមេរិក និង គម្រោងសា​ងសង់ និងអាជីវកម្ម​សណ្ឋាគារថ្នាក់ផ្កា​យ៥ ចំនួន៥០០​បន្ទប់ សណ្ឋា​គារ និង Apartment ថ្នាក់ផ្កាយ៤ ចំនួន ១.៦០០ units និងមជ្ឈមណ្ឌ​លពាណិ​ជ្ជកម្មស្ថិតនៅ“លើកោះពេជ្រ” ក្នុងខ​ណ្ឌចំការ​មន រាជ​ធានីភ្នំពេញ។ គម្រោង​នេះ មានទុន​វិនិយោគជាង១.១រយ​លានដុ​ល្លារអាមេរិ​ក។

សូមជម្រា​បជូនថា​ ទាំងអស់នេះ គឺជាគម្រោ​ងថ្មីៗបន្ថែមទៀតដែលក​ម្ពុជាទទួលបានមុន​ឆ្លងចូលឆ្នាំ​ថ្មីឆ្នាំ២០​២០។ កាល​ពី៦ខែ ​នៅ​ក្នុង​ឆ្នាំ​២០១៩​នេះ ក្រុម​ប្រឹក្សា​អភិវឌ្ឍ​កម្ពុជា ​(​CDC) បាន​សម្រេច​ឯកភាព​លើ​គម្រោ​ង​វិនិយោគ​ចំនួន​១៥៣​គម្រោង ស្មើ​នឹង​ទឹក​ប្រាក់​ដល់​ទៅ​ជាង៥ពាន់​លាន​ដុល្លារ​អាមេរិករួចមកហើយ​។ បើតាមរដ្ឋាភិបាលកម្ពុជា ចាប់តាំងពីឆ្នាំ២០១៦មកដល់ពេលនេះ កម្ពុជា​ទាក់​ទាញ​បាន​ការ​វិនិយោគ​បរទេស​ជា​ច្រើន និង មាន​ការ​កើន​ឡើង​ពី​មួយ​ឆ្នាំ​ទៅ​មួយ​ឆ្នាំ។ មូល​ហេតុ​នៃ​ការ​កើន​ឡើងការវិនិយោគនេះគឺដោយ​សារ​តែ​វិនិយោគិន​បរទេស​មាន​ទំនុក​ចិត្ត​ខ្ពស់​មក​លើ​ការ​ដឹក​នាំ​ប្រទេស​របស់​រដ្ឋា​ភិបាល​កម្ពុជា​។ ជាការ​ដឹក​នាំដែល ​ពោរ​ពេញទៅ​ដោយ​សន្តិភាព និង ស្ថេរភាព​នយោបាយ​។ នេះបើតា​មការគូសបញ្ជាក់ឱ្យ​ដឹងរបស់ទីស្តី​ការ​គណៈ​រដ្ឋ​មន្រ្តី​កម្ពុជា៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI