ព្រឹត្តិការណ៍​កម្ពុជា​ប្រចាំថ្ងៃ

ការ​ដៅ​​អត្តសញ្ញាណ​​អ្ន​ក​​ចុះ​ឈ្មោះ​​បោះឆ្នោត​​មិនមែនជា​​បញ្ហា​ធំ​​សម្រាប់​​បញ្ជី​​បោះឆ្នោត​​ថ្មី​

សំឡេង ០៩:៥៩
ប្រជាពលរដ្ឋ​នាំគ្នា​មើលបញ្ជីឈ្មោះ នៅ​មុខ​ការិយាល័យ​បោះឆ្នោត
ប្រជាពលរដ្ឋ​នាំគ្នា​មើលបញ្ជីឈ្មោះ នៅ​មុខ​ការិយាល័យ​បោះឆ្នោត

ក្រៅពី​​មាន​ការ​​ព្រមព្រៀង​គ្នា​​ជា​​បន្ត​បន្ទាប់​​លើ​​ចំណុច​​ដែល​​គណបក្ស​នយោបាយ​​ជាប់ឆ្នោត​​ទាំង​ពីរ​ បាន​​យក​មក​​ជជែក​​គ្នា​ បញ្ហា​​ដៅ​​អត្តសញ្ញាណ​​ដើម្បី​​ធ្វើ​បញ្ជី​​ឈ្មោះ​​អ្នកបោះឆ្នោត​​ថ្មី​ នៅ​​មិន​ទាន់​មាន​​ការ​សម្រេច​​ចុង​ក្រោយ​​យ៉ាងណា​​នៅ​ឡើយ​​ទេ​។ ​សម្រាប់​​គណបក្ស​​ប្រជាជន​ បាន​​ហៅ​​បញ្ហា​​នេះ​​ថា​ មិន​មាន​​ភាព​ចម្រូង​ចម្រាស់​​ខ្លាំង​​នោះ​ទេ​ ដោយ​​គណបក្ស​កាន់​អំ​ណាច​​នេះ​ ចង់​​ឲ្យ​​សិទ្ធិ​​ទៅ​​គណៈកម្មាធិការ​​ជាតិ​​រៀបចំ​​ការ​បោះឆ្នោត​ (គ.ជ.ប)​។ ​ជាមួយគ្នា​នេះ ​គណបក្ស​សង្គ្រោះ​​ជាតិ​ ចង់​បាន​​ចំណុច​​នោះ ​បញ្ចូល​​ទៅ​ក្នុង​​ច្បាប់ ​ស្តី​ពី ​ការ​បោះឆ្នោត​​ជ្រើសតាំង​​តំណាងរាស្ត្រ​ ដែល​​ក្រុម​ការងារ​​ចរចា​​គណបក្ស​​ទាំងពីរ​ កំពុង​​ធ្វើ​​វិ​សោធន​កម្ម​​កែប្រែ​។