កម្ពុជា

ភ្នំពេញ អេសអ៊ីហ្សិត ភីអិលស៊ី ដាក់​លក់ IPO របស់​ខ្លួន​ក្នុង​តម្លៃ​ពី​ 0,70 សេន ទៅ១ ដុល្លារ​អាមេរិក

ភ្នំពេញ អេសអីហ្សិត ដែល​មាន​ក្រុមហ៊ុន​ចំនួន ៧៦ កំពុង​តែ​ប្រតិបត្តិការ​នៅ​ក្នុង​តំបន់ និង​ការ​វិនិយោគ​សរុប​ចំនួន​ ៤៦០​លាន​ដុល្លារ​អាមេរិក បាន​បើក​សម្ពោធ​ការ​បោះផ្សាយ​មូល​បត្រ​ជា​សាធារណៈ​លើក​ដំបូង IPO នៅ​ថ្ងៃ​ទី​ ២០ មេសា ឆ្នាំ២០១៦។
ភ្នំពេញ អេសអីហ្សិត ដែល​មាន​ក្រុមហ៊ុន​ចំនួន ៧៦ កំពុង​តែ​ប្រតិបត្តិការ​នៅ​ក្នុង​តំបន់ និង​ការ​វិនិយោគ​សរុប​ចំនួន​ ៤៦០​លាន​ដុល្លារ​អាមេរិក បាន​បើក​សម្ពោធ​ការ​បោះផ្សាយ​មូល​បត្រ​ជា​សាធារណៈ​លើក​ដំបូង IPO នៅ​ថ្ងៃ​ទី​ ២០ មេសា ឆ្នាំ២០១៦។ Phnom Penh SEZ

ភ្នំពេញ អេសអីហ្សិត ដែល​មាន​ក្រុមហ៊ុន​ចំនួន ៧៦ កំពុង​តែ​ប្រតិបត្តិការ​នៅ​ក្នុង​តំបន់ និង​ការ​វិនិយោគ​សរុប​ចំនួន​ ៤៦០​លាន​ដុល្លារ​អាមេរិក បាន​បើក​សម្ពោធ​ការ​បោះផ្សាយ​មូល​បត្រ​ជា​សាធារណៈ​លើក​ដំបូង IPO នៅ​ថ្ងៃ​ទី​ ២០ មេសា​ម្សិលមិញ​នេះ នៅ​សណ្ឋាគារ​រ៉ាហ្វហ្វល ឡឺរ៉ូយ៉ាល់ ក្នុង​ទីក្រុង​ភ្នំពេញ។ Phnom Penh SEZ គ្រោង​នឹង​លក់​ភាគ​ហ៊ុន​របស់​ខ្លួន ក្នុង​តម្លៃ 0,70 សេន ដល់ ១ដុល្លារ​អាមេរិក​ក្នុង​មួយ​ហ៊ុន។ ហើយ​តម្លៃ​នេះ​ត្រូវ​បាន​កំណត់​ក្នុង​រយៈ​ពេល​ធ្វើ​ប៊ុក​បៀលឌីង ចាប់​ពី​ថ្ងៃ​ទី ១៨ មេសា និង​បញ្ចប់​ទៅ​វិញ​នៅ​ថ្ងៃ​ទី ២២ មេសា​ខាង​មុខ​នេះ ហើយ​បាន​ប្រកាស​ដាក់​លក់​រហូត​ដល់ ទៅ ១១,៦លានហ៊ុន នៅ​លើ​ទីផ្សារ​មូលបត្រ​កម្ពុជា CSX។

ផ្សាយពាណិជ្ជកម្ម

ភ្នំពេញ អេសអ៊ីហ្សិត គឺ​ជា​តំបន់​ឧស្សាហកម្ម​មួយ​នៅ​កម្ពុជា ដែល​ត្រូវ​បាន​បង្កើត​ឡើង​នៅ​ក្នុង​ខែ​មេសា ឆ្នាំ​២០០៦។ លោក Hiroshi Uemastu នាយក​ប្រតិបត្តិ​របស់​ភ្នំពេញ អេសអ៊ីហ្សិត ភីអិលស៊ី បាន​លើក​ឡើង​ថា ក្រុម​ការងារ​របស់​លោក​បាន​ធ្វើ​ការ​យ៉ាង​ច្រើន ដើម្បី​ទាក់​ទាញ​ក្រុម​ហ៊ុន​ផលិត​របស់​ជប៉ុន​មក​កាន់​កម្ពុជា និង​នាំ​យក​មក​ជាមួយ​នូវ​វិស័យ​ឧស្សាហកម្ម​សម័យ​ទំនើប​មក​កាន់​កម្ពុជា ដែល​មាន​ដូច​ជា​ផលិត​ផល​មេកានិក​និង​អគ្គិសនី ផ្នែក​អេឡិចត្រូនិក និង​គ្រឿង​បន្លាស់​រថយន្ត​ជា​ដើម។

លោក​ស្រី លីម ឈីវហួរ អគ្គនាយក​ភ្នំពេញ អេសអ៊ីហ្សិត​ក៏​បាន​លើក​ឡើង​ផង​ដែរ​ថា នេះ​គឺ​ជា​ការ​ចុះ​បញ្ជី​លើក​ដំបូង​នៃ​តំបន់​ឧស្សាហកម្ម​ធំ​នៅ​លើ​ផ្សារ​ហ៊ុន​កម្ពុជា ហើយ​វា​ក៏​ជា​ឱកាស​មួយ​សំខាន់​សម្រាប់​ក្រុមហ៊ុន​នានា​នៅ​ក្នុង​តំបន់​នោះ និង​ប្រទេស​កម្ពុជា​ទាំង​មូល​ផង​ដែរ។

តាម​រយៈ​ការ​ផ្តល់​ជូន​ជា​សាធារណៈ​ដំបូង​របស់​ខ្លួន​ក្នុង​តម្លៃ​ចាប់​ពី​០,៧០ សេន ទៅ១ ដុល្លារ​អាមេរិក​ក្នុង​មួយ​ហ៊ុន ហើយ​ដាក់​លក់​ជូន​ទាំង​អស់​មាន​ចំនួន​១១, ៦​លាន​ហ៊ុន​នោះ អេសអ៊ីហ្សិត សង្ឃឹម​ថា​នឹង​ទទួល​បាន​ទឹក​ប្រាក់ ១១,៦លាន ដុល្លារ​បន្ថែម​ទៀត ដើម្បី​យក​ទៅ​វិនិយោគ​បន្ថែម​លើ​ហេដ្ឋារចនា​សម្ព័ន្ធ​ក្នុង​តំបន់ និង​ដើម្បី​បង្កើន​ផ្ទៃដី​សម្រាប់​លក់​ជូន​អតិថិជន​របស់​ខ្លួន។ ជាមួយ​គ្នា​នេះ​ដែរ​ក្រុមហ៊ុន​ក៏​មាន​គម្រោង​និយោគ​ទឹក​ប្រាក់​ចំនួន ៨,៥៤លាន​ដុល្លារ​បន្ថែម​ទៀត​ ដើម្បី​អភិវឌ្ឍ​គម្រោង​តំបន់​សេដ្ឋកិច្ច​ពិសេស​មួយ​ថ្មី​ទៀត នៅ​តំបន់​ព្រំដែន​ប៉ោយ​ប៉ែត។

សូម​ជម្រាប​ជូន​ថា​ រហូត​មក​ទល់​នឹង​ពេល​មាន​ស្ថាប័ន​ចំនួន​៤​ហើយ​ដែល​បាន​ប្រកាស​ដាក់​លក់ IPO របស់​ខ្លួន​នៅ​ក្នុង​ទីផ្សារ​មូល​បត្រ​កម្ពុជា ដែល​នៅ​ក្នុង​នោះ​រួមមាន រដ្ឋាករ​ទឹក​ស្វយ័ត​ក្រុង​ភ្នំពេញ ប្រកាស​លក់​ក្នុង​មួយ​ហ៊ុន ៦០០០រៀល កាល​ពី​ថ្ងៃ​ទី​ ១៨ មេសា ឆ្នាំ​២០១២ ហើយ​មាន​១៣​លាន​ហ៊ុន។ ក្រុមហ៊ុន​ហ្គ្រេន ធ្វីនអ៊ិនធើណេសិនណល (ខេមបូឌា) ភីអិលស៊ី បាន​ប្រកាស​លក់​ហ៊ុន​របស់​ខ្លួន​ក្នុង​តម្លៃ ៩.៦៤០រៀល ឬ ស្មើ​នឹង ២​ដុល្លារ​៤១​សេន កាល​ពី​ថ្ងៃទី​ ១៦ មិថុនា​ឆ្នាំ២០១៤ ហើយ​មាន​ចំនួន ​៨​លាន​ហ៊ុន។ កំពង់​ផែ​ស្វយ័ត​ភ្នំពេញ បាន​ប្រកាស​លក់ IPO ជា​ផ្លូវ​ការ​នៅ​ក្នុង​ផ្សារ​មូលបត្រ​កម្ពុជា នៅ​ថ្ងៃ​ទី ៩ ធ្នូ ឆ្នាំ​២០១៥។ និង​ចុង​ក្រោយ​នេះ​គឺ ភ្នំពេញ អេសអីហ្សិត៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI