ព្រឹត្តិការណ៍​កម្ពុជា​ប្រចាំថ្ងៃ

ជៀសវាង​ស្តី​បន្ទោស​លើ​ប្រជាពលរដ្ឋ អាជ្ញាធរ​គួរ​បង្ហាញ​ចំណាត់​ការ​ច្បាស់​លាស់​លើ​ករណី​ចាប់​ក្មេង

សំឡេង ១០:០៩
ព័ត៌មានស្តីពីការចាប់ក្មេង ដែលត្រូវបានបង្ហោះលើបណ្តាញសង្គមហ្វេសប៊ុក កាលពីពេលថ្មីៗនេះ។
ព័ត៌មានស្តីពីការចាប់ក្មេង ដែលត្រូវបានបង្ហោះលើបណ្តាញសង្គមហ្វេសប៊ុក កាលពីពេលថ្មីៗនេះ។ @FB

ពាក្យ​ចចាម​អារ៉ាម​នៃ​ការ​ចាប់​ក្មេង​វះ​យក​ក្រលៀន​នៅ​ក្នុង​ប្រទេស​កម្ពុជា កំពុង​កក្រើក​ឡើង​នៅ​ក្នុង​រយៈ​ពេល​ប៉ុន្មាន​ថ្ងៃ​មក​នេះ។ ប៉ុន្តែ​ករណី​ដែល​កំពុង​បង្ក​ការ​ភ័យ​ខ្លាច​ក្នុង​ចំណោម​មហាជន​ខ្មែរ​នេះ ត្រូវ​បាន​អាជ្ញាធរ​អះ​អាង​ជា​បឋម​ថា មិន​មាន​ពិត​នៅ​កម្ពុជា​នោះ​ទេ។ បន្ថែម​លើ​នេះ អាជ្ញាធរ​ខេត្ត​កំពង់ធំ​កាល​ពី​ថ្ងៃ​ទី ៣០ កក្កដា បាន​ឃាត់​ខ្លួន​សមាជិក​គណបក្ស​ប្រឆាំង​ម្នាក់​ដោយ​ចោទ​ប្រកាន់​ថា បាន​បំផុស​ព័ត៌មាន​នេះ និង​ចាត់​ទុក​ថា ជា​រឿង​នយោបាយ ដែល​បង្ក​ឲ្យ​មាន​ការ​ផ្ទុះ​កំហឹង​ពី​មហាជន​វាយ​ដំទៅ​លើ​ជន​សង្ស័យ​ពីរ​នាក់​ឲ្យ​រង​របួស​ធ្ងន់។ ប៉ុន្តែ​យ៉ាង​ណា​ក៏​ដោយ សម្រាប់​អ្នក​ឃ្លាំ​មើល​សង្គម អាជ្ញាធរ​គួរ​តែ​បើក​ការ​ស៊ើប​អង្កេត​ឲ្យ​បាន​ច្បាស់​លាស់​ជៀសវាង​ស្តី​បន្ទោស​មក​លើ​ប្រជាពលរដ្ឋ។