ព្រឹត្តិការណ៍​កម្ពុជា​ប្រចាំថ្ងៃ

​ក្នុង​ការ​អនុវត្ត​សាល​ដី​ការ ​ឬ​ទប់​ទល់​នឹង​ការ​តវ៉ា ​តើ​យោធា​គួរ​ចូល​ពាក់​ព័ន្ធ​ដែរ​ឬ​ទេ​?​

សំឡេង ១១:១៨
លោករដ្ឋមន្ត្រីក្រសួងមហាផ្ទៃ ស ខេង។
លោករដ្ឋមន្ត្រីក្រសួងមហាផ្ទៃ ស ខេង។ @RFI/Siv Channa

លោក​ឧប​នាយក​រដ្ឋ​មន្ត្រី ស ខេង រដ្ឋ​មន្ត្រី​ក្រសួង​មហា​ផ្ទៃ នៅ​ក្នុង​ឱកាស​បើក​សន្និ​បាត ត្រួត​ពិនិត្យ​ការងារ​ឆ្នាំ​២០១៨ លើក​ទិស​ដៅ​ការ​ងារ​ឆ្នាំ​២០១៩ របស់​ក្រសួង​មហា​ផ្ទៃ កាល​ពី​ថ្ងៃ​ពុធ​ម្សិល​មិញ បាន​លើក​ឡើង​ពី​ការ​អនុវត្ត​សាល​ដីកា​តុលាការ​កំពូល​នៅ​ខេត្ត​ព្រះ​សីហនុ កាល​ពី​ចុង​ខែ​មករា​កន្លង​ទៅ​ថា បាន​អនុវត្ត​មិន​ត្រឹម​ត្រូវ ដោយ​សារ​មាន​ប្រើ​ប្រាស់​កម្លាំង​យោធា​។ ជុំ​វិញ​បញ្ហា​នេះ​អ្នក​ច្បាប់​និង​អ្នក​តាម​ដាន​សង្គម​នា​នា មើល​ឃើញ​ថា​វា​ជា​រូបភាព​មួយ​ដែល​មិន​សមរម្យ ក៏​ប៉ុន្តែ​ស្ថាន​ការណ៍​ខ្លះ ការ​ប្រើ​ជំនួយ​យោធា គឺ​ជា​ការ​ចាំបាច់​ផង​ដែរ​។