ភ្ញៀវប្រចាំថ្ងៃ

លោក​ ម៉េ​ត មាស​ភក្តី​៖​«​យន្តការ​ថ្មី​នេះ ​នឹង​ជួយ​កាត់បន្ថយ​បទល្មើស​នៅ​ក្នុង​រាជធានី​ភ្នំពេញ»

សំឡេង ០៩:៣៩
លោក ម៉េត មាសភក្តី អ្នកនាំពាក្យសាលារាជធានីភ្នំពេញ
លោក ម៉េត មាសភក្តី អ្នកនាំពាក្យសាលារាជធានីភ្នំពេញ rfi

រដ្ឋមន្ត្រី​ក្រសួង​មហាផ្ទៃ​កាល​ពី​ថ្ងៃ​អង្គារ​បាន ​ចេញ​សេចក្តី​ប្រកាស​បង្កើត​«​មជ្ឈមណ្ឌល​ប្រចាំ​បញ្ជា​រាជធានី​ភ្នំពេញ​» ​ដែល​ក្រុម​ការងារ​សន្តិសុខ​ពិសេស​នេះ ​ដឹកនាំ​ដោយ​សាលា​រាជធានី​ភ្នំពេញ​និង​មាន​ទីតាំង​នៅក្នុង​សាលា​ក្រុង​តែ​ម្តង​។ ​លោក ​ម៉េ​ត មាស​ភក្តី​ អ្នក​នាំពាក្យ​សាលា​រាជធានី​ភ្នំពេញ ​បាន​ថ្លែង​ថា ​ក្រុម​ការងារ​ប្រចាំ​បញ្ជា​រាជធានី​ភ្នំពេញ​នឹង​ជួប​ប្រជុំ​គ្នា​ក្នុង​ពេល ឆាប់​ៗ​នេះ ​ដើម្បី​ដំណើរការ​ការងារ​ផ្តោតទៅ​លើ​ការ​ត្រួត​ពិនិត្យ ​សន្តិសុខ​តាមរយៈ​កាមេរ៉ា​សុវត្ថិភាព​ប្រមាណ​ជា​ជាង​១​ពាន់​គ្រឿង ​បំពាក់​នៅ​ក្នុង​ក្រុង​ភ្នំពេញ​។ ​ក្រុម​ប្រចាំ​បញ្ជា​នេះ ​នឹង​បំពេញការងារ​ប្រកប​ដោយ​ប្រសិទ្ធភាព ​ដោយ​មានការ​ប្រចាំការ​២៤​ម៉ោង​លើ​២៤​ម៉ោង ​និង​បែង​ចែកជា​៤​វេន ​ដែល​មួយ​វេន​ៗ​មាន​គ្នា ​១៦​នាក់​។