ព្រឹត្តិការណ៍​កម្ពុជា​ប្រចាំថ្ងៃ

បន្ទប់​ស្ថានការណ៍​នឹង​អវត្តមាន ក្នុង​ការ​តាម​ដាន​ដំណើរ​ការ​បោះ​ឆ្នោត​ឆ្នាំ​២០១៨

សំឡេង ១១:៤៤
លោកស្រីរ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិស្តីពីបញ្ហាសិទ្ធិមនុស្សនៅកម្ពុជា ជួបពិភាក្សាជាមួយថ្នាក់ដឹកនាំគណៈកម្មាធិការជាតិរៀបចំការបោះឆ្នោត(គ.ជ.ប)។
លោកស្រីរ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិស្តីពីបញ្ហាសិទ្ធិមនុស្សនៅកម្ពុជា ជួបពិភាក្សាជាមួយថ្នាក់ដឹកនាំគណៈកម្មាធិការជាតិរៀបចំការបោះឆ្នោត(គ.ជ.ប)។ @សហការី

អតីត​សមាជិក​នៃ​បន្ទប់​ស្ថានការណ៍​បាន​លើក​ឡើង​ថា​រហូត​មក​ដល់​ពេល​នេះ​មិន​មាន​តម្រុយ​ណា​មួយ ដែល​បង្ហាញ​ថា​បណ្តុំ​អង្គការ​ជាង​៤០​ស្ថាប័ន​អាច​នឹង​ធ្វើ​ការ​រួម​គ្នា ដើម្បី​ឃ្លាំ​មើល​ការ​បោះ​ឆ្នោត​ជ្រើស​តាំង​តំណាង​រាស្ត្រ​នៅ​ឆ្នាំ​២០១៨​ខាង​មុខ​នេះ​ទេ។ គណបក្ស​កាន់​អំណាច​បង្ហាញ​ការ​គាំទ្រ​ចំពោះ​ចំណាត់​ការ​មិន​ឲ្យ​បន្ទប់​ស្ថានការណ៍​ធ្វើ​សកម្មភាព។ តំណាង​រាស្ត្រ​បក្ស​ប្រឆាំង​វិញ​ថា​អវត្តមាន​របស់​បន្ទប់​ស្ថានការណ៍ គឺ​បង្ហាញ​ថា​លំហរ​ប្រជាធិបតេយ្យ​នៅ​កម្ពុជា​កាន់​តែ​តូច​ទៅៗ ហើយ​សុំ​ឲ្យ​លោក​ស្រី​រ៉ូណាស្មីត​អន្តរាគមន៍។