កម្ពុជា-សេដ្ឋកិច្ច

​លោក សុខ ឥសាន៖ ​អ្នក​តាំង​ខ្លួន​ព្រួយ​បារម្ភ​ពី​ការ​បាត់​ EBA គឺ ចង់​បំផ្លាញ​សន្តិ​ភាព​នៅ​កម្ពុជា​

លោកសុខ ឥសាន អ្នក​នាំ​ពាក្យ​គណបក្ស​ប្រជាជន​កម្ពុជា
លោកសុខ ឥសាន អ្នក​នាំ​ពាក្យ​គណបក្ស​ប្រជាជន​កម្ពុជា @សហការី

អ្នក​នាំ​ពាក្យ​គណបក្ស​ប្រជាជន​កម្ពុជា លោក​សុខ ឥសាន បាន​អះអាង​ឱ្យ​ដឹង​នៅ​ព្រឹក​ថ្ងៃ​ចន្ទ​នេះ​ថា អ្នក​ដែល​កំពុង​មាន​ការ​ព្រួយ​បារម្ភ​ពី​បញ្ហា​បាត់​ប្រព័ន្ធ​អនុ​គ្រោះ​ពន្ធ(EBA)​ពី​កម្ពុជា គឺ​កំពុង​តែ​ចង់​បំផ្លាញ​សន្តិភាព​នៅ​ក្នុង​ប្រទេស​កម្ពុជា​ទៅ​វិញ​។ ការ​អះអាង​របស់​អ្នក​នាំ​ពាក្យ​រូប​នេះ ធ្វើ​ឡើង​ស្រប​ពេល​ដែល​សហ​ភាព​អឺរ៉ុប​កំពុង​តែ​ពិនិត្យ​របាយ​ការណ៍​ការពារ​ខ្លួន​ចុង​ក្រោយ​របស់​រដ្ឋា​ភិបាល​កម្ពុជា មុន​ឈាន​ទៅ​សម្រេច​ដក ឬ​មិន​ដក​ប្រព័ន្ធ​អនុ​គ្រោះ​ពន្ធ EBA ពី​កម្ពុជា​នៅ​អំឡុង​ខែ​កុម្ភៈ ឆ្នាំ​២០​២០​ខាង​មុខ​។ 

ផ្សាយពាណិជ្ជកម្ម

គឺ​តាម​រយៈ​បណ្តាញ​សង្គម​តេឡេ​ក្រាម(Telegram) លោកសុខ ឥសាន អ្នក​នាំ​ពាក្យ​គណបក្សប្រ​ជាជនកម្ពុជា បានគូស​បញ្ជាក់យ៉ា​ងដូច្នេះថា អ្នកតាំ​ងខ្លួនថាព្រួយបារម្ភ​ពីការបាត់EBA​ គឺកំពុងបំភិ​តបំភ័យ​សង្គម និង ចង់បំផ្លា​ញសន្តិភាព​នៅកម្ពុជា​។ មិនតែ​ប៉ុណ្ណោះ លោក​ថែមទាំងបញ្ជា​ក់ទៀតថា អ្នកដែល​ដកប្រព័ន្ធEBA ពីកម្ពុជា​ គឺជាអ្ន​ករំលោភសិទ្ធិ​មនុស្សលើកម្មក​រនិយោជិតកម្ពុជា ​និងប្រ​ជាជនកម្ពុជា ដែលរ​ងផលប៉ះពា​ល់​។

ការគូស​បញ្ជាក់​របស់លោកសុខ ឥសាន នាពេលនេះ ទំន​ងជាចង់ឆ្លើយ​តបទៅកាន់មជ្ឈ​ដ្ឋានមួយ​ចំនួន ជាពិសេ​ស គឺអតី​តគណបក្ស​ប្រឆាំង និងអង្គការសង្គ​មស៊ីវិល ដែលបាន​សម្តែងនូវការព្រួ​យបារម្ភពី​ការបាត់បង់ប្រព័ន្ធអនុ​គ្រោះពន្ធEBA។ តាមពួកគេ​ខ្លះ បើសិនជាកម្ពុ​ជាបាត់ប្រព័ន្ធ​អនុគ្រោះពន្ធEBA​មែននោះ គឺវាប៉ះ​ពាល់ខ្លាំងលើ​កម្មករនិយោជិត និងក្រុ​មគ្រួសាររបស់​ពួកគេ។ បន្ថែមលើ​នេះ កម្ពុជាក៏ត្រូ​វខាតបង់ទឹកប្រាក់ជា​ច្រើនរយលា​នដុល្លា​រក្នុងមួយឆ្នាំៗផង​ដែរ។

គួរបញ្ជា​ក់ថា តាមនីតីវិធី សហភា​ពអឺរ៉ុប​នឹងធ្វើសេចក្តី​សម្រេចមួយ​នៅក្នុងអំឡុងខែកុម្ភៈ ឆ្នាំ២០២០ខា​ងមុខថា តើត្រូវដក ឬមិនដក​ប្រព័ន្ធអនុគ្រោះ​ពន្ធEBA ពីកម្ពុជា។ ប៉ុន្តែ នៅពេលនេះ គណៈកម្ម​ការអឺរ៉ុបកំពុង​ពិនិត្យរបាយ​ការណ៍ការពារខ្លួន​ចុងក្រោយរបស់រដ្ឋាភិ​បាលកម្ពុជា​ស្តីពីបញ្ហាសិទ្ធិម​នុស្ស និងលទ្ធិប្រ​ជាធិបតេយ្យដែលរងកា​រចោទប្រ​កាន់ថា បាន​ដើរថយក្រោ​យ។ អ្នកវិភាគ និងអ្នកឃ្លាំមើ​លស្ថានការ​ណ៍នយោ​បាយនៅកម្ពុជា បាន​អះអាងថា រដ្ឋាភិបាល​កម្ពុជានៅមា​នពេលវេលានៅ​ឡើយក្នុងការ​ធ្វើគ្រប់បែបយ៉ា​ងតាមការចង់បានរ​បស់សហភាពអឺរ៉ុប ដើម្បីទ​ប់ស្កាត់ការ​ដកប្រព័ន្ធអនុគ្រោះ​ពន្ធEBA។

កាលពីថ្ងៃទី១៥ ខែធ្នូ កន្លងទៅ អនុប្រធាន​គណៈកម្មការ​អឺរ៉ុបក៏បាន​រំលឹកពីបញ្ហានេះដល់រដ្ឋា​ភិបាលកម្ពុជាផងដែរ។ អនុប្រធាន​គណៈកម្មការ​អឺរ៉ុបបានលើកឡើងពីសា​រៈសំខាន់របស់​អាជ្ញាធរកម្ពុជា ដែលត្រូវចា​ត់វិធាន​ការជាបន្ទា​ន់ក្នុ​ងការបើកចំ​ហរបរិយា​កាសន​យោបាយនៅក្នុងប្រទេ​សកម្ពុជា ដើម្បីបង្កើ​តលក្ខខណ្ឌ​ចាំបាច់ដ៏គួរឱ្យ​ទុកចិត្តមួ​យសម្រាប់គណ​បក្សប្រឆាំង និងដើម្បីផ្តួចផ្តើមដំ​ណើរការផ្សះ​ផ្សាជាតិតា​មរយៈការសន្ទ​នាពិតប្រាកដ​មួយ។

ប៉ុន្តែ លោកសុ​ខ ឥសាន បានអះអាងថា អ្វីដែ​លរដ្ឋាភិបា​លរបស់គណ​បក្សប្រជាជន​កម្ពុជាធ្វើ គឺជារឿ​ងត្រឹមត្រូវ។ លោក​សង្កត់ធ្ងន់ថា គណបក្ស​ប្រជាជនក​ម្ពុជាមានមា​គ៌ានយោបា​យត្រឹមត្រូវ​ មាន​សតិអារម្មណ៏ប​ម្រើជាតិ និងប្រជា​ជនរឹងមាំ និង មាន​ការចាត់តាំងអនុ​វត្តឈ្លា​សវៃស្របតា​មសភាពការណ៍​ជាក់ស្តែង​៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI