ភ្ញៀវប្រចាំថ្ងៃ

លោកស្រី ​ឱ ​វណ្ណឌីន​៖ ​អ្នក​ឆ្លង​មេរោគកូរ៉ូណា​ទី១​នៅ​កម្ពុជា ​នឹង​ចេញ​ពី​មន្ទីរពេទ្យ​នៅ​ថ្ងៃ​ស្អែក ​បន្ទាប់​ពី​ព្យាបាល​​ជា​​សះ​ស្បើយ​​

សំឡេង ១៩:០៤
លោកស្រី​វេជ្ជបណ្ឌិត ​ឱ វណ្ណឌីន ​រដ្ឋលេខាធិការ​និង​ជា​អ្នក​នាំ​ពាក្យ​ក្រសួង​សុខាភិបាល​កម្ពុជា​។​
លោកស្រី​វេជ្ជបណ្ឌិត ​ឱ វណ្ណឌីន ​រដ្ឋលេខាធិការ​និង​ជា​អ្នក​នាំ​ពាក្យ​ក្រសួង​សុខាភិបាល​កម្ពុជា​។​ @សហការី

បុរស​ជនជាតិ​ចិន​ដែល​កម្ពុជា​អះអាង​ថា ​មាន​ផ្ទុក​មេរោគ​កូរ៉ូណាទី​១​នៅ​កម្ពុជា​ នឹង​អនុញ្ញាត​ឲ្យ​ចាក​ចេញ​ពី​មន្ទីរ​ពេទ្យ​ខេត្ត​ព្រះសីហនុ ​នៅ​ថ្ងៃទី ​១០​ កុម្ភៈ ​ស្អែក​នេះ ​បន្ទាប់​​​ពី​​ព្យាបាល​​ជា​សះស្បើយ​​។​ លោក​ស្រី​វេជ្ជបណ្ឌិត ​ឱ ​វណ្ណឌីន ​រដ្ឋលេខាធិការ​និង​ជា​អ្នក​នាំ​ពាក្យ​ក្រសួង​សុខាភិបាល​កម្ពុជា ​ដែល​ជា​ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ​​ បាន​គូស​បញ្ជាក់​ថា ​​លោក​ ​ចា ​ជិនហូរ ​​អាយុ​​៦០​​ឆ្នាំ ​​នឹង​ត្រូវ​អនុញ្ញាត​ឲ្យ​ចាក​ចេញ​ពី​មន្ទីរពេទ្យ​នៅ​ថ្ងៃ​ស្អែក​នេះ ​ប្រសិន​បើ​លទ្ធផល​ធ្វើតេស្ត​ចុង​ក្រោយ​អវិជ្ជមាន​។ ​លោក​រដ្ឋមន្ត្រី​សុខាភិបាល​ ម៉ម​ ប៊ុនហេង​ រួម​ជា​មួយ​លោក​ស្រី​ផង ​នឹង​ធ្វើ​ដំណើរ​ទៅ​កាន់​ខេត្ត​ព្រះសីហនុ​ដោយផ្ទាល់​នៅ​ថ្ងៃ​ស្អែក​នេះ​ ដើម្បី​ជួប​ជា​មួយ​បុរស​ជនជាតិ​ចិន​ខាង​លើ​នេះ ​មុន​នឹង​អនុញ្ញាត​ឲ្យ​ចាក​ចេញ​ពី​មន្ទីរពេទ្យ​ ​និង​ឲ្យ​ប្រាកដ​ថា ​បុរស​ជនជាតិ​ចិន​រូប​នេះ ​ពិត​ជា​ជា​សះ​ស្បើយ​១០០​ភាគ​រយ​។​​