លោក សន ជ័យ៖ យើងគួរតែធ្វើជាមនុស្សឲ្យគេកោតសរសើរ
ចុះផ្សាយនៅថ្ងៃ៖
សំឡេង ០៨:៣៦
លោក សន ជ័យ ជាប្រធានអង្គការសម្ព័ន្ធគណនេយ្យភាពសង្គមកម្ពុជា ដែលបានប្រឡូកនឹងការងារសង្គមស៊ីវិលជាង ១៥ឆ្នាំមកហើយ។ ការងារបច្ចុប្បន្នរបស់លោក ដែលធ្លាប់រងការគំរាមកំហែង គឺជាការឃ្លាំមើលអភិបាលកិច្ច និងគណនេយ្យភាព របស់រដ្ឋាភិបាល លើវិស័យសេវាសាធារណៈ សេវាអប់រំ ធនធានធម្មជាតិ ការបំពេញការងាររបស់សមត្ថកិច្ចជាដើម។ ដោយសារ ការឃ្លាំមើលអភិបាលកិច្ចល្អ នៅកម្ពុជា ត្រូវការគំនិតផ្តួចផ្តើមថ្មីឲ្យស្របនឹងបរិបទប្រទេស លោក សន ជ័យ បានលះបង់យុវវ័យរបស់ខ្លួន ស្ទើរតែទាំងស្រុងទៅលើការងារសង្គម ដោយគ្មានការភ័យខ្លាច និងកំពុងបន្តអប់រំយុវជនជំនាន់ក្រោយ ក្នុងក្តីរំពឹងឲ្យមានការកែប្រែសេវាសាធារណៈកាន់តែល្អប្រសើរ។