លោក ​លឹម ជា​វុត្ថា​៖ ​«​ផ្លូវ​ទៅកាន់​ភាពជោគជ័យ​គ្មាន​ដានជើង​មនុស្ស​ខ្ជិល​ទេ​»

សំឡេង ១២:៥៩
លោក លឹម ជាវុត្ថា នាយកប្រតិបត្តិសារព័ត៌មាន Fresh News
លោក លឹម ជាវុត្ថា នាយកប្រតិបត្តិសារព័ត៌មាន Fresh News Sophal/rfi

កំព្រា​ឳ​ពុក​ម្តាយ​តាំង​ពី​អាយុ​១៧​ឆ្នាំ ​លោក​លឹម ​ជា​វុត្ថា បាន​តស៊ូ​នៅ​ក្នុង​ការសិក្សា​រហូត​ចប់​ថ្នាក់​បរិញ្ញាបត្រ​ជាន់ខ្ពស់ ​និង​បាន​ចាប់​យក​ជំនាញ​ផ្នែក​បច្ចេកវិទ្យា​និង​គ្រប់គ្រង​។ ​តាមរយៈ​មុខជំនាញ​នេះ ​​លោក​ លឹម ជា​វុត្ថា ​​បាន​​អភិវឌ្ឍន៍​​ខ្លួន​ជាមួយ​វិស័យ​សារព័ត៌មាន​ដោយ​ភ្ជាប់​ជាមួយ​មុខ​ជំនួញ​ជា​សំខាន់​។ ​ក្នុង​ឋានៈ​ជា​អ្នក​គ្រប់គ្រង​សារព័ត៌មាន ​Fresh News​លោក​លឹម ជា​វុត្ថា​ បញ្ជាក់​ថា​ភាព​ជោគជ័យ​របស់​លោក​នា​ពេលនេះ​គឺ​ដោយសារ​គុណសម្បត្តិ​រួម​របស់​បុគ្គលិក​លោក​ទាំ​ង​អស់​។ ​នាយក​កាសែត​អន​ឡាញ​ដ៏​ល្បីល្បាញ​រូប​នេះ ​បាន​ដាស់តឿន​ជា​រៀង​រាល់​ថ្ងៃ​ដល់​បុគ្គលិក​លោក​តាមរយៈ​ពាក្យ​ស្លោក​នៃ​ភាព​ជោគជ័យ​ចំនួន​២ ​នៅក្នុង​ការិយាល័យ ​។