លោក វ៉ាត់ ចំរើន៖ កម្មវិធីហ្វឹកហាត់ជំនួយចិនដល់កីឡាករខ្មែរជាង១០០នាក់ មិនត្រូវបានប្រកាសលុបចោលទេ
ចុះផ្សាយនៅថ្ងៃ៖
ការផ្ទុះឡើងនៃការឆ្លងនៃកូរ៉ូណាវីរុស ដែលមានប្រភពនៅទីក្រុងវូហានប្រទេសចិនទំនងនឹងមិនធ្វើឲ្យប៉ះពាល់ដល់កម្មវិធីហ្វឹកហាត់របស់កីឡាករ កីឡាការិនីកម្ពុជានៅប្រទេសចិននោះទេ។ សម្រាប់ពេលនេះ មិនមានអត្តពលិកខ្មែរណាម្នាក់បានស្ថិតនៅក្នុងប្រទេសចិននោះទេ ក៏ប៉ុន្តែ កីឡាករ និងកីឡាការិនីខ្មែរជាង១០០នាក់ នឹងមានកម្មវិធីហ្វឹកហាត់លើច្រើនប្រភេទកីឡា រួមនឹងមានកម្មវិធីប្រកួតនៅប្រទេសចិន ក្រោមជំនួយឧបត្ថម្ភពីរដ្ឋាភិបាលចិន ដែលកម្មវិធីនេះ នឹងប្រព្រឹត្តទៅនៅខែមេសា និងខែឧសភាខាងមុខ។ ទោះយ៉ាងណា លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានប្រាប់ RFI នៅថ្ងៃនេះថាកម្មវិធីហ្វឹកហាត់ នឹងការប្រកួតនៅចិន នឹងមិនត្រូវបានប្រកាសលុបចោលទេ ហើយភាគីកម្ពុជាត្រូវរង់ចាំការផ្តល់ដំណឹងជាថ្មីពីភាគីចិន ខណៈកម្មវិធីសិក្សាអូឡាំពិកមួយចំនួននៅម៉ាឡេស៊ីនៅខែកុម្ភៈនេះត្រូវបានលុបចោល។
សូមស្តាប់ប្រសាសន៍របស់ លោក វ៉ាត់ ចំរើន រៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ