ចិន

អនាគត​ប្រមុខ​ដឹកនាំ​កំពូល​ចិន​ធានា​​ភាព​កក់​ក្តៅដល់អាស៊ាន​​

អនុ​ប្រធានាធិបតីចិន ស៊ី ជីនពីង(រូបកណ្តាល)​នឹង​ប្រមុខដឹកនាំនៃបណ្តាប្រទេសអាស៊ាន​អញ្ជើញមកចូលរួមប្រជុំអាស៊ាន​នៅ​Nanning ប្រទេសចិន​
អនុ​ប្រធានាធិបតីចិន ស៊ី ជីនពីង(រូបកណ្តាល)​នឹង​ប្រមុខដឹកនាំនៃបណ្តាប្រទេសអាស៊ាន​អញ្ជើញមកចូលរួមប្រជុំអាស៊ាន​នៅ​Nanning ប្រទេសចិន​ REUTERS

ក្នុង​បរិបទ​ដែល​មាន​ជម្លោះ​ដែន​ដី​ដ៏​តាន​តឹង លោក​ ស៊ី ជីនពីង អនុប្រធានាធិបតី​និង​ជា​អនាគត​ប្រមុខ​ដឹកនាំ​កំពូល​ចិន បាន​ជួប​ពិភាក្សា​ជាមួយ​អ្នក​ទទួល​ខុស​ត្រូវ​នយោបាយ​​​អាស៊ាន ដើម្បី​ពន្យល់​និង​បញ្ជាក់​ជំហរ​របស់​ចិន​​ដែល​ត្រូវការ​រក្សា​ទំនាក់​ទំនង​ល្អ​ជាមួយ​នឹង​ប្រទេស​ជិត​ខាង​ក្នុង​តំបន់។

ផ្សាយពាណិជ្ជកម្ម

 
ថ្លែង​នៅ​ឱកាស​នៃការ​បើក​សម័យ​ប្រជុំ​​ អាស៊ាន លោក ស៊ី ជីនពីង អនុប្រធានាធិបតី​និង​​ជា​​អនាគត​ប្រមុខ​ដឹកនាំ​កំពូល​ចិន បានថ្លែង​ថា “​វិបុលភាព​ឬ​ភាព​ថ្កុំ​ថ្កើងរុងរឿង​នៃ​ប្រទេស​​​ចិន​នឹង​​​អាច​ធានាទៅ​​បាន ក៏​អា​ស្រ័យ​ទៅ​លើ​ទំនាក់​ទំនង​ល្អ​នៃ​ប្រទេស​ជិត​ខាង​របស់​ចិន​ដែរ”។ “នៅ​ក្នុង​កាលៈទេសៈ​បច្ចុប្បន្ន​ដែលកំពុង​មាន​ដំណើរប្រែប្រួល​យ៉ាង​ច្រើន​​នេះ ប្រទេសចិន​​ យល់​ដឹង​យ៉ាង​ច្បាស់ណាស់- ​អំពី​សារៈ​សំខាន់​នៃ​ការ​អភិវឌ្ឍន៍​-ការរីក​ចម្រើន​ដ៏យូរអង្វែង​​​និង​សន្តិភាពដ៏​ស្ថិតស្ថេរនៅក្នុងតំបន់​​”-នេះ​​ជាកា​រ​បញ្ជាក់​បន្ថែម​​របស់ លោក ស៊ី ជីនពីង។

ដោយ​ញ្ជាក់​អំពី​អធិបតេយ្យភាពរបស់ខ្លួន​នៅលើតំបន់មួយផ្នែកធំនៃសមុទ្រចិន​ខាង​ត្បូង​ ចិន បាន​​​​ក្លាយខ្លួន​ ជាគូរ​សត្រូវ​របស់​វៀតណាម​និង​ហ្វីលីពិន,ចំណែក​​​ប្រុយណេ​ តៃវ៉ាន់ និង​ ម៉ាឡេស៊ីវិញ ក៏​បានទាមទារដែរ​ចំណែកមួយភាគដែរ​​នៃ​តំបន់​នេះ​ ពី​ព្រោះវា ជាកន្លែង​​ដែល​សម្បូរណ៌​ទៅដោយធនធាន​ប្រេងកាត​ច្រើន​​ឥត​គណនា​។ ​​ម្យ៉ាងទៀត សមុទ្រ​​ចិន​ ក៏ជា​ចំណុច​ដ៏​សំខាន់​មួយ​ដែរ​ ក្នុង​​​ការធ្វើ​ចរាចរ​​តាម​ជើង​ទឹក។​ ​

ដោយ​មានជម្លោះជាមួយជប៉ុន​នៅក្នុង​ការដណ្តើមកម្មសិទ្ធិ​ប្រជុំ​កោះ ​Senkaku ​តាមភាសា​ជប៉ុន​​ឬ Diaoyu តាមភាសា​ចិននៅ​ក្នុង​​សមុទ្រចិនខាង​កើត- ប្រទេសចិនក៏​​មាន​បំណង​ ​​ចង់​​រក​​ដំណោះស្រាយមួយ​ប្រកប​ដោយសន្តិវិធី ជាពិសេស​​នៅលើ​​ជម្លោះ​ការទូត” -នេះ​ជាការ​អះអាង​ជាថ្មីទៀត​របស់​លោក ស៊ី ជីនពីង អនុប្រធានាធិបតីចិន ​​​​​។

លោក ស៊ីជីនពីង អះអាងទៀតថា “ ប្រទេសចិននៅតែ​ប្រកាន់ខ្ជាប់​ជំហរដ៏​ម៉ឺងម៉ាត់របស់ខ្លួន​នៅ​ក្នុងកិច្ច​ការថែរក្សា​អធិបតេយ្យ​ភាព​-បូរណភាពនិង​សន្តិសុខ​ដែនដី​របស់​ខ្លួន​ដោយបាន​ ​សន្យា​ដែរថាចិននឹង​​រកដំណោះស្រាយនៅលើ​​​វិបត្តិនានា​ដោយសន្តិវិធី​ជាមួយ​នឹង​ប្រទេស​ជិត​ខាង​របស់ខ្លួន​​ ពាក់​​ព័ន្ធនឹងបញ្ហា​ដែនដី និងដែនទឹក"។ រីឯ ​បញ្ហា សិទ្ធិ​ និង​ ផលប្រយោជន៍នៃ​ដែន​សមុទ្រវិញ លោក ស៊ីន ជីនពី បញ្ជាក់ថា  គួរតែប្រទេសទាំងអស់​ជាប់ពាក់ព័ន្ធក្នុងជម្លោះ ​រក​ការ​​ដោះស្រាយ ​តាម​រយៈការចរចាគ្នាជាមិត្តភាពវិញ"៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI