កម្ពុជា

គណបក្ស​ប្រជាជន បន្ត​ឃោសនា​ធំ​នៅ​ភ្នំពេញ ខណៈ​គណបក្ស​សង្គ្រោះជាតិ​ធ្វើធំ​នៅ​ខេត្ត

សកម្មជនគណបក្សនយោបាយជិះរថយន្តនិងម៉ូតូឃោសនាបោះឆ្នោត។
សកម្មជនគណបក្សនយោបាយជិះរថយន្តនិងម៉ូតូឃោសនាបោះឆ្នោត។ ស៊ីវ ចាន់ណា

រហូត​មក​ដល់​ថ្ងៃទី៣០ មិថុនា គឺជា​ថ្ងៃទី៤ នៃ​យុទ្ធនាការ​ឃោសនា​បោះឆ្នោត​រក​សម្លេង​គាំទ្រ​នោះ។ គណបក្ស ធំ​ពីរ គឺ​គណបក្ស​ប្រជាជន​កម្ពុជា​របស់លោក​នាយករដ្ឋមន្ត្រី​ហ៊ុន សែន និង គណបក្ស​ប្រឆាំង​សង្គ្រោះ​ជាតិ របស់លោក សម រង្ស៊ី និង​កឹម សុខា ដែលជា​គូរ​ប្រជែង​ដ៏​ធំ​បំផុត​សម្រាប់​អាណត្តិ​ទី៥ ក៏​កំពុង​បន្ត​យុទ្ធនា​ឃោសនា​រក​សម្លេងគាំទ្ររ​បស់​ខ្លួន​ជា​បន្ត​ដែរ។

ផ្សាយពាណិជ្ជកម្ម

លោក កែប ជុតិមា ប្រធាន​គណបក្ស​ប្រជាជន​ក្រុងភ្នំពេញ បានឱ្យដឹងថា នៅ​ថ្ងៃអាទិត្យ​ដែលជា​ថ្ងៃ​សម្រាក់​នេះ គណបក្ស​របស់លោក​មិនបាន​បង្អង់​ដៃ​នោះទេ គឺ​បាន​បើក​ក្បួន​យុទ្ធនា​ការឃោសនា​ទ្រង់ទ្រាយ​ធំ​ដែល​អមដោយ​រថយន្ត៤០០គ្រឿង និង​ម៉ូតូ២ពាន់​គ្រឿង​ផងដែរ ដែលជា​សកម្មជន​រប​ស់​គណបក្ស​ប្រជាជន។

 
ហើយ​ក្បួន​យុទ្ធនា​ការឃោសនា ជា​យុទ្ធសាស្ត្រ​សម្រាប់ ការគៀងគរ​សម្លេងគាំទ្រ​អាណត្តិ​ទី៥ ត្រូវបាន​អតីត​អភិបាលក្រុង​រូបនេះ បាន​បញ្ជាក់ថា គឺជា​ការបង្ហាញ​នូវ​សមត្ថភាព និង​សក្តានុពល របស់​គណបក្ស​ប្រជាន​កម្ពុជា ដែលជា​អ្នកអនុវត្ត​ពិតប្រាកដ និង​មិនមែន​ត្រឹមតែ​សន្យា​នោះទេ។

ចំណែក លោក ហូ វ៉ាន់​តំណាងរាស្ត្រ​គណបក្ស​សង្គ្រោះ​ជាតិ​មណ្ឌល​ភ្នំពេញ​វិញ លោក​បាន​ប្រាប់ថា យុទ្ធនាកា​រឺ​ឃោសនា​របស់​គណបក្ស​ស​ង្គ្រោះ​ជាតិ​នៅ​មណ្ឌល​ភ្នំពេញ មិនមាន​ទំហំធំធេង​នោះទេ ព្រោះ​ក្បួន​ដង្ហែ​មានតែ​រថយន្ត១០គ្រឿង និង ម៉ូតូ៣០០គ្រឿង​តែប៉ុណ្ណោះ​ដែល​ដង្ហែ​តាម​ឃុំ សង្កាត់។

តែ​ទោះជា​យ៉ាងណា​នេះ បាន​អះ​អា​ងា​ថា លោក​មានការ​សោកស្តាយ​ដែល​ទីស្នាក់ការ​គណបក្ស​សង្គ្រោះ​ជាតិ​ប្រចាំ​ខណ្ឌ​សែន​សុខ ត្រូវបាន​ជន​មិន​ស្គាល់មុខ​បាន​ចោល​ដុំថ្ម​មកលើ។ តាម​លោក​ហូ វ៉ាន់ ទង្វើ​នេះ​មិនអាច​ទទួលយក​បានទេ។

ទាក់ទិន​នឹង បញ្ហា​ក្នុង​យុទ្ធនាការ​នៃ​ការឃោសនា​នេះដែរ លោក ទេព នីថា អគ្គលេខា គជប គណកម្មាធិការ​ជាតិ​រៀបចំ​ការបោះឆ្នោត បាន​បាន​លើកឡើងថា គិត​ត្រឹម​ព្រឹក​ថ្ងៃ៣០មិថុនា នេះ គជប មាន​បណ្តឹង​ថ្មី១បន្ថែមទៀត គឺ​បណ្តឹង​របស់​អាជ្ញាធរ​ប្តឹង​គណបក្ស​សង្គ្រោះ​ជាតិ ដែល​បាន​បិទ​បដា​ឃោសនា​របស់ខ្លួន​លើស​រសរ​បង្គោល​ដងគោម តាម​ទីសាធារណៈ ដោយ​មិនមាន​ការអនុញ្ញាតិ។
 

មួយវិញទៀត គជប ក៏បាន​ស្នើ​យ៉ាង​ទ​ទួ​ច​ដល់​គណបក្ស​ទាំង៨ឱ្យ​ពង្រឹង​សីលធម៌​ដល់​សកម្មជន​គណបក្ស​របស់ខ្លួន ដែល​លោក បាន​អះអាងថា សកម្មជន​ទាំងនោះ បាន​ប្រើប្រាស់​ពាក្យ​ពេ​ជ្យ ឌឺដង​ដាក់គ្នា ដែល​អាច​បង្កឱ្យមាន​កា​រ​ប៉ះទង្គិច​គ្នា​ជាយថាហេតុ៕

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI