ផ្តើមចេញពីក្តីបារម្ភជុំវិញជម្លោះដីធ្លីនៅកម្ពុជា មជ្ឈមណ្ឌលសិទ្ឋិមនុស្សកម្ពុជានឹងរៀបចំវេទិកាតុមូលក្រោមប្រធានបទ“គោលនយោបាយកំណែទម្រង់ដីធ្លីនៅកម្ពុជា”។ វេទិកាលើកទី១បានធ្វើ កាលពីថ្ងៃទី ១៧កញ្ញាម្សិលមិញនៅភ្នំពេញ ហើយនឹងរៀបចំជាបន្តបន្ទាប់នៅខេត្តចំនួន៥ទៀត។ វេទិកាតុមូលនេះ មានគោលបំណងធ្វើការប្រមូលមតិយោបល់អ្នករងគ្រោះពីជម្លោះដីធ្លី មតិយោបល់ពីអង្គការសង្គមស៊ីវិល និងអ្នកនយោបាយ ហើយផ្ញើរទៅគណបក្សដែលត្រៀមខ្លួនដើម្បីដណ្តើមសន្លឹកឆ្នោតក្នុងការបោះឆ្នោតអាណត្តិទី៥នៃរដ្ឋសភាឆ្នាំក្រោយ។ មជ្ឈមណ្ឌលសិទ្ឋិមនុស្សកម្ពុជាចង់ឃើញគណបក្សជាប់ឆ្នោតលើកក្រោយនេះមានឆន្ទៈពិតប្រាកដក្នុងការដោះស្រាយបញ្ហាដីធ្លីឲ្យម្ចាស់ឆ្នោត៕
