អានតួអត្ថបទ
កម្ពុជា

កម្ពុជា​ទទួល​បាន​មេដាយ​មាស​ដំបូង​ក្នុង​ការ​ប្រកួត​កីឡា​អាស៊ី​ហ្គេម​លើ​ទី​២៨

ក្រុម​កីឡាករ​កម្ពុជា​ធ្វើ​ដំណើរ​ទៅ​ចូលរួម​ការ​ប្រកួត​កីឡា​អាស៊ីហ្គេម​លើក​ទី​ ២៨ នៅ​សិង្ហបុរី​។
ក្រុម​កីឡាករ​កម្ពុជា​ធ្វើ​ដំណើរ​ទៅ​ចូលរួម​ការ​ប្រកួត​កីឡា​អាស៊ីហ្គេម​លើក​ទី​ ២៨ នៅ​សិង្ហបុរី​។ @NOCC
ដោយ៖ ប្រាក់ ធីតា
១៦ នាទី

ក្រុម​អត្ត​ពលិក​កីឡា​សីប៉ាក់តាក្រ របស់​កម្ពុជា​នៅ​ថ្ងៃ​នេះ បាន​យក​មេដាយ​មាស​១​មួយ​គ្រឿង​ហើយ នៅ​ក្នុង​ព្រឹត្តិការណ៍​កីឡា​ប្រចាំ​តំបន់​អាស៊ី ឬ SEA Games លើក​ទី​២៨ ក្នុង​ប្រទេស​សិង្ហ​បុរី​ក្នុង​វិញ្ញាសារ​ កីឡា​សីប៉ាក់តា​ក្រ ឬ​កីឡា​ឈិន​ឡូន ដោយ​បាន​យក​ឈ្នះ​លោក​កីឡាករ​ប្រទេស​ម៉ាឡេស៊ី។ នេះ​បើ​យោងតាម​គណៈកម្មាធិការ​ជាតិ​អូឡាំពិក។

ផ្សាយពាណិជ្ជកម្ម

ក្រុមកីឡា​សី​ប៉ា​ក់តា​ក្រ ឬកីឡាឈិនឡូន​របស់​កម្ពុជា នៅ​ថ្ងៃ​ដំបូង​នៃ​ការប្រកួត​កីឡា អាស៊ី​ហ្គេម បាន​ទទួលជ័យជំនះ​​មេដាយមាស។ ជ័យជំនះមេដាយមាសនេះ កម្ពុជាបានយកឈ្នះ​លើ​ប្រទេស​ឡាវ នៅ​វគ្គ​ពាក់កណ្តាល​ផ្តាច់ព្រ័ត្រ​ក្នុង​លទ្ធផល២សិត​ទល់នឹង០។

 
ការប្រកួត​វគ្គ​ផ្តាច់ព្រ័ត្រ ដែល​បាន​ធ្វើឡើង​នៅ​រសៀល​ថ្ងៃនេះ កម្ពុជា​បាន​យកឈ្នះ​ក្រុម​កីឡាករ​ឡាវ ដោយ​ពិន្ទុ ៣០៨ ទល់នឹង២៩៩ ដែលមាន​កីឡាករ​កម្ពុជា៨រូប ដឹកនាំ​ក្រុម​ដោយ​លោក​អ៊ុង ណា​រិ​ទ្ធ​ចូលរួម​ប្រកួត។

លោក វ៉ា​ត់ ចំរើន ​អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា និង​ជា​អ្នកដឹកនាំ​ក្រុម​កីឡាករ​កម្ពុជា​ចូលរួម​ក្នុងការ​ប្រកួត​កីឡា​អាស៊ី​ហ្គេម បានបញ្ជាក់​ក្រោយពី​កម្ពុជា​ទទួលបាន​មេដាយមាសភ្លាមៗ ថា​នេះ​គឺជា​មោទនៈភាព​មួយ​សម្រាប់​ប្រជាពលរដ្ឋ​កម្ពុជា និង​កីឡា​កម្ពុជា ដែល​កម្ពុជា​បានទទួល​មេដាយមាស​ដំបូង​ក្នុងការ​ប្រកួត​កីឡា​អាស៊ី​ហ្គេម​លើក​ទី២៨នេះ។

លោក​បាន​បន្ថែមថា​ការទទួលបាន​មេដាយ​មេស​លើកទីមួយ​របស់​កម្ពុជា គឺ​អាចជួយ​ជម្រុញ​ទឹកចិត្ត​កីឡាករ កីឡាការិនី​កម្ពុជា​ដទៃទៀត ឲ្យ​ខិតខំ​យក​លទ្ធផល​ល្អ​សម្រាប់​ប្រទេស​កម្ពុជា។ ហើយ​កម្ពុជា​គ្រោង​នឹង​យក​មេដាយ​ឲ្យ​បាន​ច្រើនជាង​ការប្រកួត​កីឡា​អាស៊ី​ហ្គេម​ក្នុងប្រទេស​មី​យ៉ាន់​ម៉ា​កាលពី​ឆ្នាំ២០១៣កន្លងទៅ។

នៅក្នុង​ថ្ងៃ​ជាមួយគ្នានេះដែរ កម្ពុជា​ក៏បាន​ទទួល​មេដាយ​សំរឹទ្ធ​មួយទៀត ក្នុងការ​ប្រកួត​កីឡា​ប៉េតង់ ដោយ​កីឡាការិនី កម្ពុជា​បាន​ចាញ់ កីឡាការិនី​វៀតណាម ក្នុង​លទ្ធ​ល​ចុងក្រោយ ២១ ទល់នឹង២៨។

សូមបញ្ជាក់ថា​កម្ពុជា​បាន​ចូលរួម​ប្រកួត​ក្នុង​កីឡា​អាស៊ី​ហ្គេម ឬ SEA GAME លើក​ទី២៨ ក្នុងប្រទេស​សី​ង្ហ​បុរី លើ​ប្រភេទ​កីឡា២២ប្រភេទ ក្នុងចំណោម​កីឡា៣៦ប្រភេទ ហើយ​ក្នុងនោះ កម្ពុជា​បាន​ដឹកនាំគណៈប្រតិភូ និង​កីឡាករ កីឡាការិនី ២៥៦នាក់ ក្នុងនោះ​មានកីឡាករ និងកីឡាការិនី១៧៤នាក់ក្នុងថ្ងៃដំបូងនៃការបើកសម្ពោធជាផ្លូវការ កីឡាអាស៊ីហ្គេមនៅថ្ងៃម្សិលមិញនេះ ក៏មានវត្តមានរបស់រដ្ឋមន្ត្រីក្រសួង​អប់រំ លោក​ហង់ ជួន​ណា​រ៉ុ​ន និង​រដ្ឋមន្ត្រី​ក្រសួងទេសចរណ៍ លោក​ថោង ខុន ផងដែរ ដើម្បីចូលរួមលើកទឹកចិត្តដល់កីឡាករកម្ពុជា។

សូម​រំលឹក​ជូន​ថា កាលពី​ឆ្នាំ២០១៣ កន្លងទៅ ក្នុង​កីឡា​អាស៊ី​ហ្គេម​លើក​ទី២៧ ដែល​បាន​ធ្វើឡើង​ក្នុងប្រទេស​មី​យ៉ាន់​ម៉ា កម្ពុជា​បានទទួល​មេដាយ​សរុប​ប្រមាណ៤៧មេដាយ ដែល​ក្នុងនោះ​មាន​មេដាយមាស ៨ មេដាយប្រាក់១១ និង​សំរឹទ្ធ២៨។ ហើយ​កីឡា​អាស៊ី​ហ្គេម​លើ​ទី២៨ ដែល​ធ្វើឡើង​ក្នុង​ប្រ​ទេ​សិង្ហ​បុរី បានចាប់ផ្តើមឡើងកាលពីថ្ងៃទី ៥ មិថុនា នឹងត្រូវបញ្ចប់នៅថ្ងៃទី ១៦ មិថុនាខាងមុខនេះ។

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ