កម្ពុជា- ជប៉ុន

ព្រះអង្គ​ម្ចាស់​រាជទាយាទ​ជប៉ុន​ផ្តើម​បំពេញ​​ព្រះរាជ​ទស្សនកិច្ច​ផ្លូវការ​នៅ​កម្ពុជា

ព្រះអង្គម្ចាស់​ណារុហ៊ីតូ​រាជទាយាទ​ជប៉ុន​ធ្វើ​ទស្សនកិច្ច​នៅ​កម្ពុជា នៅថ្ងៃ​ពុធ​ទី ២៧​មិថុនា ២០១២
ព្រះអង្គម្ចាស់​ណារុហ៊ីតូ​រាជទាយាទ​ជប៉ុន​ធ្វើ​ទស្សនកិច្ច​នៅ​កម្ពុជា នៅថ្ងៃ​ពុធ​ទី ២៧​មិថុនា ២០១២ © REUTERS

ព្រះអង្គម្ចាស់ ណារុហ៊ីតូ ​រាជទាយាទ នៃ​ប្រទេស​ជប៉ុន (NARUHITO) បានផ្តើម​​ព្រះរាជ​ទស្សនកិច្ច​ផ្លូវការ នៅកម្ពុជា រយៈពេល ៣ ថ្ងៃ ចាប់ពីព្រឹក​ថ្ងៃ​ទី​២៧​មិថុនា ឆ្នាំ​២០១២។ ដំណើរទស្សន​កិច្ច​​ផ្លូវការ​នៅ​កម្ពុជា នៅថ្ងៃនេះ បន្ទាប់ពី​ព្រះអង្គម្ចាស់ បានបញ្ចប់​ដំណើរ​ទស្សនកិច្ច​នៅ​ប្រទេស​​ថៃ។ អំឡុង​ពេល​ទស្សនកិច្ច​នៅ​កម្ពុជា ព្រះអង្គម្ចាស់​រាជទាយាទ ណារុហ៊ីតូ បានចូល​បង្គំ​គាល់ នៅព្រឹកមិញ ព្រះមហាក្សត្រ សម្ដេចព្រះបរមនាថ នរោត្តម សីហ​មុនី និងបាន​ជួបពិភាក្សា​ការងារ​ជាមួយលោកនាយករដ្ឋមន្ត្រី ហ៊ុន សែន៕