កម្ពុជា-អ.ស.ប.

អ្នករាយការណ៍​ពិសេស​ចុះពិនិត្យ​សហគមន៍​បុរី​កីឡា​

លោក​ស៊ូរិយ៉ា ប្រាសាទ ស៊ូបេឌី​ អ្នក​រាយ​ការណ៍​ពិសេស​របស់​អគ្គ​លេខាធិការ​អង្គការ​សហ​ប្រជាជាតិ​
លោក​ស៊ូរិយ៉ា ប្រាសាទ ស៊ូបេឌី​ អ្នក​រាយ​ការណ៍​ពិសេស​របស់​អគ្គ​លេខាធិការ​អង្គការ​សហ​ប្រជាជាតិ​ © លាងដឺលុច

អ្នក​រាយការណ៍​ពិសេស​របស់​អគ្គលេខាធិការ​អង្គការ​សហ​ប្រជាជាតិ​លោក​ស៊ូរិយ៉ា ប្រាសាទ ស៊ូបេឌី​បាន​ទៅ​មើល​ការ​រស់នៅ​របស់​ពលរដ្ឋ​សហគមន៍​បុរី​កីឡា​នៅ​ព្រឹក​ថ្ងៃ​ពុធ​ទី៩​ឧសភា​​នេះ។ នៅ​ចំពោះ​មុខ​ពលរដ្ឋ​ដែល​កំពុង​ក្រាញ​ននាល​ទាមទារ​យក​កន្លែង​រស់នៅ​នោះ លោក​ស៊ូបេឌី​ថ្លែង​ថា លោក​មាន​ការ​ព្រួយបារម្ភ​ខ្លាំង​ចំពោះ​ស្ថានភាព​នៃ​ការ​រស់នៅ​របស់​ពលរដ្ឋ​ក្នុង​សហគមន៍​នោះ។

ផ្សាយពាណិជ្ជកម្ម

លោក​ស៊ូរិយ៉ា ប្រាសាទ ស៊ូបេឌី​ អ្នក​រាយ​ការណ៍​ពិសេស​របស់​អគ្គ​លេខាធិការ​អង្គការ​សហ​ប្រជាជាតិ​បាន​ទៅ​មើល​ការ​រស់នៅ​របស់​ប្រជា​សហគមន៍​បុរី​កីឡា​នៅ​ព្រឹក​ថ្ងៃ​ពុធ​នេះ។ ក្នុង​សំលៀក​បំពាក់​អាវ​ស​ដៃ​វែង អម​ដំណើរ​ដោយ​មន្ត្រី​ការិយាល័យ​សិទ្ធិមនុស្ស​អង្គការ​សហប្រជា​ជាតិ និង​អ្នក​កាសែត លោក​ស៊ូរិយ៉ា ស៊ូបេឌី​បាន​ដើរ​មើល​តាម​ទីកន្លែង​ស្នាក់នៅ​របស់​ពលរដ្ឋ​នៅ​ក្នុង​ប្លុក​បុរី​កីឡា។

ពលរដ្ឋ​អ្នក​រស់នៅ​បុរី​កីឡា​បាន​រៀបរាប់​ប្រាប់​អ្នក​រាយការណ៍​ពិសេស​អំពី​ការ​លំបាក​របស់​ពួកគេ។

នៅ​ចំពោះ​មុខ​ប្រជាពលរដ្ឋ​ដែល​កំពុង​ទាមទារ​រក​កន្លែង​រស់​នៅ​ក្នុង​សហគមន៍​បុរី​កីឡា​នេះ លោក​ស៊ូបេឌី​បាន​ថ្លែង​ថា លោក​មាន​ការ​ព្រួយ​បារម្ភ​ជា​ខ្លាំង​ចំពោះ​ស្ថានភាព​រស់នៅ​របស់​ពលរដ្ឋ​អ្នក​ទាមទារ​ផ្ទះ​សម្បែង​នៅ​ក្នុង​បុរី​កីឡា​នៅ​ពេល​នេះ។  លោក​ស៊ូបេឌី​បាន​អត្ថាធិប្បាយ​ប្រាប់​ពលរដ្ឋ​ទាំងនោះ​ថា នេះ​មិន​ត្រឹមតែ​ជាបញ្ហា​សិទ្ធិ​មនុស្ស​តែ​មួយ​នោះ​ទេ ប៉ុន្តែ​វា​ក៏​ជា​បញ្ហា​មនុស្សធម៌​ផងដែរ។ តំណាង​អគ្គលេខាធិការ​អង្គការ​សហប្រជាជាតិ​រូប​នេះ​បាន​សន្យា​ជាមួយ​ពលរដ្ឋ​ថា​លោក​នឹង​បន្ត​លើក​យក​បញ្ហា​ទាំងនេះ​ទៅ​ជជែក​ជាមួយ​រដ្ឋាភិបាល​ទៀត។ ជា​បញ្ហា​ដែល​លោក​បាន​តាម​ដាន​ជា​យូរ​មក​ហើយ។

បើ​យោង​តាម​ញត្តិ​ដែល​ត្រូវ​បាន​ប្រគល់​អោយ​លោក​ស៊ូបេឌី​ដោយ​តំណាង​ពលរដ្ឋ​អ្នក​មិន​ទាន់​បាន​ទទួល​បាន​ផ្ទះ​នោះ ខុទ្ទកាល័យ​​លោក​នាយក​រដ្ឋមន្ត្រី​​បាន​ផ្ញើ​លិខិត​មួយចុះ​ថ្ងៃ​ទី​៣​ឧសភា​ថ្មីៗ​នេះ​ទៅ​អោយ​លោក​អភិបាល​រាជធានី​ភ្នំពេញ ក្នុង​ន័យ​បញ្ជា​អោយ​ដោះស្រាយ​បញ្ហា​បុរី​កីឡា ​និង​តំបន់​បឹងកក់៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI