អានតួអត្ថបទ
អេហ្ស៊ីប

បាតុករ​អេហ្ស៊ីប​ងើប​ប្រឆាំង​នៅតែ​មាន​គ្នីគ្នា​ច្រើន​

បាតុករ​អេហ្ស៊ីប​​រាប់ម៉ឺន​នាក់​​បាន​​ប្រមូល​​ប្រជុំ​គ្នា​​នៅ​ទីលាន​​ Tahrir​ ​នៃ​ទីក្រុងគែរ​​ ​នៅ​ថ្ងៃទី២៥​វិច្ឆិកា​ឆ្នាំ២០១១
បាតុករ​អេហ្ស៊ីប​​រាប់ម៉ឺន​នាក់​​បាន​​ប្រមូល​​ប្រជុំ​គ្នា​​នៅ​ទីលាន​​ Tahrir​ ​នៃ​ទីក្រុងគែរ​​ ​នៅ​ថ្ងៃទី២៥​វិច្ឆិកា​ឆ្នាំ២០១១ Reuters
ដោយ៖ សៀក សារិន
១២ នាទី

បាតុករ​អេហ្ស៊ីប​រាប់ម៉ឺននាក់​បាន​ប្រមូល​ប្រជុំ​គ្នា​នៅ​ថ្ងៃសុក្រ​ទី២៥​វិច្ឆិកា​ឆ្នាំ២០១១​ម្សិលមិញ​នៅ​ទីក្រុងគែរ​ ​ ដើម្បី​ទាមទារ​ឲ្យ​អ្នកកាន់​អំណាច​យោធា​ចាកចេញ​ពី​មុខ​តំណែង។​ អ្នកកាន់​អំ​ណាច​​យោធា​អេហ្ស៊ីប​ដែល​បាន​តែងតាំង​លោក​ Kamal el-Ganzouri ​អាយុ៧៨ឆ្នាំ​ធ្វើ​ជា​នាយករដ្ឋមន្ត្រី​។ លោក​ Kamal el-Ganzouri ​ធ្លាប់​កាន់តំណែង​ជា​ប្រមុខ​រដ្ឋាភិបាល​របស់​លោក​មូបារ៉ាក់​បាន​ត្រូវ​បដិសេធ​ច្រានចោល​ពុំ​ព្រម​ទទួល​យក​ដោយ​បាតុករ​អេហ្ស៊ីប។  

ផ្សាយពាណិជ្ជកម្ម

នៅថ្ងៃសុក្រ​ទី២៥​វិច្ឆិកា​ឆ្នាំ២០១១​ ​ ជាថ្មី​ម្តងទៀត​បាតុករ​អេហ្ស៊ីប​រាប់ម៉ឺននាក់​បាន​ប្រមូល​ប្រជុំ​គ្នា​នៅ​ទីលាន​ Tahrir ​នៃ​ទីក្រុងគែរ​ ​ ដើម្បី​ធ្វើការ​ទាមទារ​ឲ្យ​ក្រុម​យោធា​កាន់​អំណាច​បច្ចុប្បន្ន​ចាកចេញ​ពី​មុខតំណែង។ ​ហ្វូង​បាតុករ​បាន​នាំគ្នា​ស្រែក​ជាពាក្យ​ស្លោកថា​ ​ “ប្រជាជន​អេហ្ស៊ីប​ចង់ឲ្យ​សេនាប្រមុខ​ធ្លាក់ចេញ​ពី​មុខតំណែង”។​ ក្នុងចំណោម​បាតុករ​ទាំងនោះ​ ​ គេកត់​សម្គាល់​ឃើញ​មាន​អ្នកបដិវត្តន៍​ជាច្រើន​ដែលបាន​មកបោះ​ជំរំ​នៅ​ទីលាន​ Tahrir ​នៃ​ទីក្រុងគែរ​អស់​រយៈ​ពេល​៦ថ្ងៃ​មកហើយ​ ​ សហជីព​ជាច្រើន​ក្រុម​ ​ ហើយនិង​អ្នកនយោបាយ​មានដូចជា​ ​ លោក​ Mohamed el-Baradei ​ជាដើម។

 
គួរបញ្ជាក់ថា​ ​ មាន​បាតុករ​ជាច្រើន​ក្រុម​ខុសៗគ្នា​បាន​ស្នើ​បញ្ជីឈ្មោះ​សម្រាប់​បង្កើត​រដ្ឋាភិបាល​ស្រោចស្រង់ជាតិ​មួយ​ដែល​មាន​អំណាច​ពេញលេញ​ ​ ដែលក្នុងនោះ​ គេឃើញមាន​ឈ្មោះ​ លោក​ Mohamed el-Baradei ​សម្រាប់​ដឹកនាំ​រដ្ឋាភិបាល​កែទម្រង់​ ​ លោក​ Abdel Mounem Abou el-Foutouh ​ដែល​ទើបតែ​ទម្លាក់​ចេញ​ពី​មុខតំណែង​ដោយ​ក្រុម​ភាតរបុត្រ​អ៊ីស្លាម​ ​ ហើយនិង​ឈ្មោះ​លោក​ Hossam Issa ​ដែល​ជា​អ្នក​ជំនាញ​ខាង​សេដ្ឋកិច្ច​មាន​ទំនោរ​ទៅរក​និន្នាការ​សង្គមនិយម។

សូមបញ្ជាក់ថា​ ​ ក្រុមប្រឹក្សា​ជាន់ខ្ពស់​នៃ​កងកម្លាំង​យោធា​អេហ្ស៊ីប​បាន​ប្រកាស​ឲ្យ​ដឹង​នៅ​ថ្ងៃ​សុក្រ​ទី២៥​វិច្ឆិកា​ឆ្នាំ២០១១​ម្សិលមិញថា​ ​ ការបោះឆ្នោត​សភា​ដែល​គ្រោង​រៀបចំ​ធ្វើ​នៅ​ថ្ងៃ​ន្ទ​ទី២៨​វិច្ឆិកា​ឆ្នាំ២០១១​ខាងមុខនេះ​នឹង​ត្រូវ​ប្រព្រឹត្ត​ទៅ​ក្នុង​រយៈពេល​ពីរថ្ងៃ​ដូចការ​គ្រោង​ទុក​ ​ ហើយ​ក្រុមយោធា​គ្មាន​បំណង​នឹង​នៅ​កាន់កាប់​អំណាច​ឡើយ​ ​ ចំណែកឯ​ការបោះឆ្នោត​ជ្រើស​តាំង​ប្រធានាធិបតី​អេហ្ស៊ីប​នឹង​ត្រូវ​ប្រព្រឹត្ត​ទៅ​យ៉ាងយូរ​នៅ​ថ្ងៃ​ទី៣០​មិថុនា​ឆ្នាំ២០១២​ខាងមុខ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ