បទយកការណ៍

សកម្មជន​តវ៉ា​ដីធ្លី​ក្នុង​រាជធានី​ភ្នំ​ព​ញ​ដង្ហែ​ក្បួន​ស្នើឱ្យ​សមត្ថកិច្ច​បញ្ឈប់​អំពើហិង្សា​លើ​ស្ត្រី

សំឡេង ០៧:៥២
ស្ត្រី​អ្នកភូមិបឹងកក់ ដើរ​ដង្ហែ​ក្បួន​ដើម្បី​ទាម​ទារ​ឱ្យ​មាន​ការ​បញ្ឈប់​អំពើ​ហិង្សា​លើ​ស្ត្រី។
ស្ត្រី​អ្នកភូមិបឹងកក់ ដើរ​ដង្ហែ​ក្បួន​ដើម្បី​ទាម​ទារ​ឱ្យ​មាន​ការ​បញ្ឈប់​អំពើ​ហិង្សា​លើ​ស្ត្រី។ @rfi/siv chhana
ដោយ៖ ស៊ុន មេសា
១២ នាទី

សកម្មជន​ដីធ្លី​មកពី​តំបន់​បឹងកក់ សហគមន៍​ថ្មគោល បុរី​កីឡា រួមទាំង​ព្រះសង្ឃ ប្រមាណ​ជា៤០០នាក់ បាន​ប្រមូល​ផ្តុំគ្នា ​ដើរ​ដង្ហែ​ក្បួន​ដាក់​ញត្តិ​ជូន​ក្រសួង​កិច្ចការនារី និង​អគ្គស្នងការ​នគរបាល​ជាតិ​នៃ​ក្រសួងមហាផ្ទៃ​ នៅ​ព្រឹក​ថ្ងៃទី២៨ វិច្ឆិកា​នេះ។ ការដើរ​ដង្ហែ​ក្បួន​នេះ គឺ​ដើម្បី​ស្នើឱ្យ​អាជ្ញាធរ​មាន​សមត្ថកិច្ច បញ្ឈប់​អំពើហិង្សា​លើ​ស្ត្រី​ជាទូទៅ និង​ចំពោះ​ស្ត្រី​តំបន់​បឹងកក់​ដែល​បានចេញ​ទាមទារ​សិទ្ធិ​លំនៅដ្ឋាន​របស់ខ្លួន។ ការដើរ​ដង្ហែ​ក្បួន​នេះ ​មិនមាន​អំពើហិង្សា​កើតឡើង​នោះទេ។