“សម្ព័ន្ធ​អំណាច​ទ្វេភាគី”​ នៅ​រុស្ស៊ី​មាន​ប្រជាប្រិយភាព​ធ្លាក់​ចុះ​

អង្គការសង្គមសាស្ត្ររុស្ស៊ីឈ្មោះ “ មតិសាធារណៈ” ទើបចេញផ្សាយលទ្ធផលនៃ ការស្ទង់មតិ ធ្វើពីថ្ងៃ២៥ ដល់ ២៩ឧសភាទៅលើប្រជាពលរដ្ឋចំនួន ៣.០០០នាក់រស់​នៅ​តាម​ទីប្រជុំ​ជន​ចំនួន​ ២០៤កន្លែង ក្នុងខេត្តចំនួន ៦៤ គឺជាងពាក់កណ្តាល នៃខេត្តទាំង៨៣ដែលចំណុះ សហព័ន្ធ
រុស្ស៊ី។

ស្របនឹងលទ្ធផលនេះ ៖
 - ជំនឿទុកចិត្តលើរូបពូទីន បានស្រុតចុះពី៥៥% កាលពីខែមីនាពេលគាត់ជាប់ឆ្នោតជាថ្មីជា ប្រធានាធិបតីមកនៅត្រឹម៤៨% នៅចុងខែឧសភាគឺ៣សប្តាហ៏ក្រោយពីគាត់ចូលកាន់ តំណែង កំពូលនេះវិញ។ ហើយក្នុងចន្លោះពេលនេះ កើនឡើង ពី ១៧%ដល់ ២២% អត្រាអ្នកដែល មិន ទុកចិត្តលើរូបគាត់។ រីឯ អ្នកដែលទុកចិត្តផង មិនទុកចិត្តផង កើនឡើងពី ២៣% ដល់ ២៦%។
ទោះយ៉ាងណាក្តី ក៏ ភាគច្រើន ដល់ទៅ៥២% នៅតែត្រៀមបោះឆ្នោតគាំទ្រលោកពូទីនដដែល បើ​ការបោះឆ្នោត នឺងប្រព្រឹត្តទៅ នៅថ្ងៃអាទិត្យខាងមុខ។

- ករណីលោកមេដវេដេវវិញ ជំនឿទុកចិត្តលើរូបគាត់ បានស្រុតចុះ ពី ៤៧% កាលពីកណ្តាល ខែឧសភា ពេលគាត់​ចូល​កាន់​តំណែង​ជា​នាយក​រដ្ឋមន្ត្រី មកនៅតែ៤៤% លុះរំលង​កន្លះ​ខែ​មក។​ ក្នុងចន្លោះពេលនេះ អត្រាអ្នកមិនទុកចិត្តលើ រូបគាត់ជាប្រមុខរដ្ឋាភិបាល បានកើន​ឡើង​ពី​២០% ដល់​២៥%។ រីឯអ្នកដែលទុកចិត្តផង មិនទុកចិត្តផង គឺក្នុងអត្រា២៧% ដូច​មុន​ដដែល។​

លទ្ធផលនៃការស្ទង់មតិ ក៏រំលេចឲ្យឃើញថា ៖
ប្រជាពលរដ្ឋ​រុស្ស៊ី ៣៣% សំដែងនូវក្តីទោមនស្សន៍ ចំពោះនយោបាយ របស់ “សម្ព័ន្ធអំណាច
ទ្វេភាគីពូទីន-មេដេវេដេវ” ហើយត្រៀមចុះថ្នល់ ចូលរួមក្នុង មិទ្ទិញនិងបាតុកម្មប្រឆាំង។ ប៉ុន្តែ ៦០% គ្មានបំណង ធ្វើការតវ៉ាអ្វីណាឡើយ ទល់នឹងសម្ព័ន្ធអំណាចនេះ។

តបនឹងសំនួរ “តើគេទុកចិត្តលើអ្នកនយោបាយ រូបណាជាង?” ប្រជាពលរដ្ឋដែល ត្រូវបាន ស្ទាបស្ទង់មតិ ឆ្លើយដូចតទៅ ៖ 

- ៣៧% ចង្អុលលើរូបពូទីន ថ្វីត្បិតតែតួលេខនេះ កាលពីខែមេសា មានដល់ ៤២%ឯណោះ។

- ហើយ២៥% ចង្អុលលើរូបមេដវេដេវ គឺ៣% ទាបជាង កាលពីខែមេសា។
ទោះយ៉ាងណាក្តីក៏ មានមតិដល់ទៅ ៦៩% ដែលពេញចិត្តនឹងការងារបំពេញដោយលោក
ប្រធានាធិបតី ពូទីន ហើយ៦៤% សោមនស្ស នឹងការងារ​របស់​លោក​នាយករដ្ឋ​មន្ត្រី​មេដវេដេវ៕