អានតួអត្ថបទ
ម៉ាឡេស៊ី-ភូមា

នាយករដ្ឋមន្ត្រី​​ម៉ាឡេស៊ី​​ទាមទារ​អោយ​​លោកស្រី​​ស៊ូជី​​បញ្ឈប់​​​ការ​ធ្វើ​ទុក្ខ​​បុក​ម្នេញ​​លើ​ជនជាតិ​​រ៉ូហ៊ីងយ៉ា​

នាយករដ្ឋមន្ត្រី​ម៉ាឡេស៊ី លោក​ណាជីព រ៉ាហ្សាក់​
នាយករដ្ឋមន្ត្រី​ម៉ាឡេស៊ី លោក​ណាជីព រ៉ាហ្សាក់​ Reuters
ដោយ៖ ព្រំ សឿន សូលីណា
1 នាទី

ថ្ងៃអាទិត្យ​នេះ នាយករដ្ឋមន្ត្រី​ម៉ាឡេស៊ី​ លោក​ ណាជីព រ៉ាហ្សាក់ បាន​ទាមទារ​អោយ​លោកស្រី​​អ៊ុងសាន ស៊ូជី ​ចាត់​វិធានការ​បិទបញ្ចប់​ការធ្វើបាប​ជនជាតិ​រ៉ូហ៊ីងយ៉ា។ ការធ្វើបាប​ដែល​នាយករដ្ឋមន្ត្រី​ម៉ាឡេស៊ី ​ហៅថា​ជា​ “អំពើ​ប្រល័យ​ពូជសាសន៍”។ ​ម៉ាឡេស៊ី​បានទាមទារ​​​សហគមន៍អន្តរជាតិ ​និង​​អង្គការ​សហប្រជាជាតិ​ អោយ​​ឈប់​នៅ​ស្ងៀមទ្រឹង​ទៀត ​ត្រូវតែ​​​​ដោះស្រាយ​បញ្ហា​នេះ។ 

ផ្សាយពាណិជ្ជកម្ម

ទាក់ទង​នឹង​​​វិបត្តិ​ជនជាតិ​រ៉ូហ៊ីងយ៉ា​ដែល​កំពុង​រងការ​ធ្វើទុក្ខ​បុកម្នេញ ​​ពី​សំណាក់​​កងទ័ព​ភូមា នាយករដ្ឋមន្ត្រី​ម៉ាឡេស៊ី​ ណាជីព រ៉ាហ្សាក់ ​​បានថ្លែង​ឡើង​នៅថ្ងៃ​អាទិត្យ​នេះថា៖ ​តើ​ពាន​ណូបែល​​​របស់​អ៊ុងសាន​ ស៊ូជី​ មាន​ប្រយោជន៍​អ្វីទៅ? លោក​ណាជីព​បន្ថែមថា៖ ​អង្គការ​កិច្ចសហប្រតិបត្តិការ​អ៊ីស្លាម​ត្រូវតែ​ប្រតិកម្ម​ឡើង។ អង្គការ​សហប្រជាជាតិ​ត្រូវតែ​ធ្វើអ្វី​មួយ​ឡើង។ សហគមន៍​អន្តរជាតិ​មិនអាច​នៅទ្រឹង​ មើល​​អំពើ​ប្រល័យ​ពូជសាសន៍​ដូច្នេះ​ទេ។ ​

នាយករដ្ឋមន្ត្រី​ម៉ាឡេស៊ី​រំលឹក​ឡើង​វិញទៅ​អ៊ុងសាន​ស៊ូជី​​ ​ថា ​ម៉ាឡេស៊ី​ការពារ​អ្នកកាន់​សាសនា​​អ៊ីស្លាម ​និង​សាសនា​អ៊ីស្លាម។​ ​​

យោងតាម​អង្គការ​សហប្រជាជាតិ​​ ហិង្សា​ទៅលើ​ជនជាតិ​ហិង្សា​នៅ​រដ្ឋរ៉ាក់ឃីន បាន​ធ្វើអោយ​មនុស្ស​​​៣ម៉ឺន​នាក់​ភៀសខ្លួន។ តាំង​ពី​ខែ​តុលា​ ហិង្សា​បាន​សម្លាប់​​មនុស្ស​ជាង​១០នាក់។ ជនជាតិ​រ៉ូហ៊ីងយ៉ា​ដែល​ភៀសខ្លួន​ទៅ​បង់ក្លាដែស ​បាន​ប្រាប់ថា កងទ័ព​ភូមា​បាន​ចាប់រំលោភ ធ្វើទារុណកម្ម និង​សម្លាប់​ពួកគេ។ ​​​ទាហាន​ភូមា​បាន​បដិសេធ​ការចោទ​ប្រកាន់​នេះ ប៉ុន្តែ​ទាហាន​ភូមា​បែរជា​មិនអោយ​អ្នកសារព័ត៌មា​នបរទេស និង​ក្រុម​មនុស្សធម៌​បានចូល​ទៅ​តំបន់​ដែល​រងបញ្ហា​ទៅវិញ។​

​​​​​​ថ្នាក់ដឹកនាំ​​​ឧត្តមស្នងការ​ទទួលបន្ទុក​ជនភៀសខ្លួននៃ​អង្គការ​សហប្រជាជាតិ UNHCR ​ដែល​ទទួលបន្ទុក​ជនភៀសខ្លួន​នៅ​ទីក្រុង​បង់ក្លាដែស ជាប់​​ព្រំដែន​ភូមា​ បាន​លើកឡើង​ថា បើ​​ផ្អែក​តា​មសាក្សី​ច្រើនរូប ដែល​​ជាជនភៀសខ្លួន​ ហិង្សា​ទៅលើ​ប្រជាជន​រ៉ូហ៊ីងយ៉ា​មា​នលក្ខណៈ​ស្រដៀង​ទៅនឹង​ការបោសសម្អាត​ជនជាតិ​ភាគតិច៕​​

 

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ