បណ្តឹង​របស់​គណបក្ស​សមរង្សី​ក្រោយ​ការ​បោះឆ្នោត​ក្រុម​ប្រឹក្សា​ឃុំ​សង្កាត់

សំឡេង ០៨:៣០
គណបក្ស​សម រង្ស៊ី​​​​ហែ​ក្បួន​ធ្វើ​យុទ្ធនាការ​ឃោសនា​រក​សំឡេង​ឆ្នោត​សម្រាប់​ការ​បោះឆ្នោត​ឃុំ​សង្កាត់ (រូបភាពឯកសារ)
គណបក្ស​សម រង្ស៊ី​​​​ហែ​ក្បួន​ធ្វើ​យុទ្ធនាការ​ឃោសនា​រក​សំឡេង​ឆ្នោត​សម្រាប់​ការ​បោះឆ្នោត​ឃុំ​សង្កាត់ (រូបភាពឯកសារ) RFI/Siv Channa

នៅក្រោយ​ការ​បោះឆ្នោតក្រុម​ប្រឹក្សា​ឃុំ-​សង្កាត់​រយៈពេល​ជាង​ដប់​ថ្ងៃ​ ប្រជាជន​ខ្មែរ​​រង់​ចាំ​មើល​លទ្ធ​ផលនៃ​ការ​បោះឆ្នោត​​យ៉ាង​អន្ទះសា។ ​ប៉ុន្តែ​ ​ការ​ប្រកាស​​លទ្ធផល​​បោះឆ្នោត​ក្រុម​ប្រឹក្សា​ឃុំ-​សង្កាត់​ខាងលើ​នេះ មាន​ភាព​យឺតយ៉ាវ​ដោយសារ​តែ​គណៈកម្មាធិការ​ជាតិ​រៀបចំ​ការ​បោះឆ្នោត​ត្រូវ​ធ្វើការ​សម្រេច​ផ្ទៀង​ផ្ទាត់​សន្លឹក​ឆ្នោត ​បែងចែក​អាសនៈ និង​ជា​ពិសេស​ត្រូវ​ដោះស្រាយ​នូវ​បណ្តឹង​របស់​​គណបក្ស​មួយ​ចំនួន។ នៅក្នុង​ចំណោម​បណ្តឹង​​ជាង​៥០​ពាក្យបណ្តឹង ​បណ្តឹង​របស់​គណបក្ស​សមរង្សី​មាន​រហូត​ដល់​ជាង​៤៥​បណ្តឹង។ គណបក្ស​សមរង្សី​ក៏ធ្លាប់​ប្រកាស​មិន​ទទួល​ស្គាល់​លទ្ធផល​នៃ​ការ​បោះឆ្នោត​ឃុំ-សង្កាត់​អាណត្តិ​ទីបីនេះ​ផងដែរ ទោះបី​ជា​ការ​ប្រកាស​លទ្ធផល​ជា​ផ្លូវការ​មិន​ទាន់​ត្រូវ​បាន​ធ្វើ​ឡើង​យ៉ាងណា​ក៏ដោយ។