ព្រឹត្តិការណ៍អន្តរជាតិប្រចាំថ្ងៃ

វិបត្តិ​អ៊ុយក្រែន ៖ គ្រីមេ​ធ្វើ​ប្រជាមតិ​ភ្ជាប់​ខ្លួន​នឹង​រុស្ស៊ី

សំឡេង ០៧:១៣
ប្រជាជន​គ្រីមេ ទៅ​បោះឆ្នោត​ប្រជាមតិ ជាមួយ​នឹង​ទង់ជាតិ​រុស្ស៊ី
ប្រជាជន​គ្រីមេ ទៅ​បោះឆ្នោត​ប្រជាមតិ ជាមួយ​នឹង​ទង់ជាតិ​រុស្ស៊ី REUTERS/Sergei Karpukhin
ដោយ៖ កែវ ឆាយា
១២ នាទី

ថ្ងៃនេះ នៅសាធារណរដ្ឋ​ស្វយ័ត​គ្រីមេ នៃ​រដ្ឋ​អ៊ុយក្រែន​ប្រព្រឹត្ត​ទៅ គឺ ប្រជាមតិ ក្នុង​គោលដៅ ដក​ខ្លួន​ចេញ​ពី​រដ្ឋ​អ៊ុយក្រែន ហើយ​សុំ​ភ្ជាប់​ខ្លួន​នឹង​សហព័ន្ធ​រុស្ស៊ី​ទៅ​វិញ។​ មូលហេតុ មកពី​ទឹកដី​គ្រីមេ រស់នៅ​ភាគ​ច្រើន​ដាច់ខាត ដោយ​បណ្តាជន​សញ្ជាតិ​រុស្ស៊ី យល់​ថា​សិទ្ធិ​របស់​ខ្លួន ត្រូវ​រើសអើង​ដោយ​អាជ្ញាធរ​ថ្មី​នៅ​អ៊ុយក្រែន - អាជ្ញាធរ ដែល​គេ​មិន​ទទួល​ស្គាល់​ថា ស្រប​ច្បាប់​ឡើយ ព្រោះ​បាន​ប្លន់​យក​អំណាច តាម​ផ្លូវ​កុបកម្ម​ប្រដាប់​អាវុធ ធ្វើ​រដ្ឋ​ប្រហារ​ទម្លាក់​លោក​ប្រធានាធិបតី យ៉ានូកូវិច ដែល​ត្រូវ​បាន​ជ្រើស​តាំង​ឡើង​​តាមផ្លូវ​បោះឆ្នោត​ប្រជាធិបតេយ្យ ដោយសេរី កាលពី​៤​ឆ្នាំ​មុន។ ជា​ការកត់សម្គាល់ ជនជាតិភាគតិច Tatares ដែល​រស់​នៅ​គ្រីមេ បាន​ប្រកាស​ធ្វើ​ពហិការ​មិន​ទៅ​បោះឆ្នោត ក្នុង​ប្រជាមតិ​ថ្ងៃ​នេះ​ទេ ដោយ​គេ​ប្តេជ្ញា​រស់នៅ ក្រោម​អំណាច​អ៊ុយក្រែន។