នយោបាយឈ្នះ-ឈ្នះរបស់នាយករដ្ឋមន្រ្តីហ៊ុនសែនត្រូវបានលាតត្រដាង
ចុះផ្សាយនៅថ្ងៃ៖ កែប្រែថ្ងៃទី៖
ក្រសួងការពារជាតិកម្ពុជា បានផ្សព្វផ្សាយ សៀវភៅគោលនយោបាយឈ្នះ -ឈ្នះរបស់រដ្ឋាភិបាលដល់សាធារណជនកាលពីថ្ងៃសុក្រ។ ជាអ្វីដែលគេរំពឹងថា កិច្ចខិតខំប្រឹងប្រែងរបស់នាយករដ្ឋមន្រ្តី ហ៊ុន សែនក្នុងការបញ្ចប់សង្គ្រាមស៊ីវិលនៅកម្ពុជាក្នុងអំឡុងទសវត្សរ៍៩០ត្រូវបានលាតត្រដាងទាំងក្នុងនិងក្រៅប្រទេស។
សៀវភៅកម្រាស់៥០០ទំព័រ ស្តីពីគោលនយោបាយឈ្នះ-ឈ្នះ របស់នាយក រដ្ឋមន្រ្តី ហ៊ុន សែន ត្រូវបានក្រសួងការពារជាតិ បោះពុម្ភផ្សាយ ជាលើកដំបូង ចំនួន៥.០០០ក្បាល ដើម្បីចែកជូនឥតគិតថ្លៃ ដល់ថ្នាក់ដឹកនាំក្រសួង ស្ថាប័នរដ្ឋ និងសាកលវិទ្យាល័យក្នុងប្រទេស។
សៀវភៅដែលមានចំណងជើងថា «ការបញ្ចប់សង្គ្រាមស៊ីវិល» ដែលមានគម្រប មុខរូបលោក ហ៊ុន សែន ពាក់ឯកសណ្ឋានយោធា ត្រូវបានចងក្រងនិពន្ធដោយលោក ណឹម សុវត្ថិ ទីប្រឹក្សារដ្ឋមន្រ្តីក្រសួងការពារជាតិ ទៀ បាញ់ និងជាអគ្គនាយក អគ្គនាយកដ្ឋាននយោបាយ និងកិច្ចការបរទេស ។
អ្នកនិពន្ធបានចំណាយពេលជិត៩ឆ្នាំ ក្រោមមូលធិនិនាយករដ្ឋមន្រ្តី ហ៊ុន សែន ក្នុងការចងក្រងសៀវភៅនេះ ដើម្បីលាតត្រដាងអំពីយុទ្ធសាស្រ្តដ៏ប៉ិនប្រសប់ និងគំនិតស៊ីជម្រៅ ក្នុងការបញ្ចប់សង្គ្រាមស៊ីវិល របស់ក្រុមឧទ្ទាមខ្មែរក្រហមនៅកម្ពុជា។
នេះជាស្នាដៃលើកទី២ របស់លោក ណឹម សុវត្ថិ បន្ទាប់ពីសៀវភៅ «ជនដែលត្រូវគេបាញ់» សំដៅលើប្រវត្តិលោក ទៀ បាញ់ រដ្ឋមន្រ្តីក្រសួងការពារជាតិ បានចេញផ្សាយរួច។ ។
នយោបាយឈ្នះ-ឈ្នះ ដើម្បីបញ្ចប់សង្គ្រាមស៊ីវិលនៅកម្ពុជា ត្រូវបានផ្តួចផ្តើម ដោយលោក ហ៊ុន សែន ក្នុងឆ្នាំ១៩៩១-១៩៩៩ ។
និយាយពីអន្តរាគមន៍របស់អ៊ុន តាក នៅឆ្នាំ១៩៩៣។នយោបាយនេះចាប់ផ្តើមអនុវត្តនៅភ្នំឱរ៉ាល់ ខេត្តកំពង់ស្ពឺ នៅស្រុកម៉ាឡៃ ខេត្តប៉ៃលិន និងនៅស្រុកអន្លង់វែង នៅឆ្នាំ១៩៩៤-១៩៩៦ រហូតដល់សង្គ្រាមស៊ីវិលចប់ជាស្ថាពរនៅឆ្នាំ១៩៩៩ ក្រោយពីកងទ័ពខ្មែរក្រហម ធ្វើសមាហរ័ណកម្មជាមួយរដ្ឋាភិបាល ។សៀវភៅនិយាយពីនយោបាយឈ្នះ-ឈ្នះ ក៏នឹងត្រៀមបកប្រែជា ភាសាអង់គ្លេស ដើម្បីចែកជូនដល់ស្ថានទូតបរទេស និងអង្គការអន្តរជាតិផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ