អានតួអត្ថបទ
កម្ពុជា

កម្មករ​ជាង ២០០នាក់​ធ្វើ​បាតុកម្ម​ទាមទារ​ដំឡើង​ប្រាក់ខែ

បាតុកម្ម​របស់​កម្មករ ទាមទារ​ដំឡើង​ប្រាក់​ឈ្នួល នៅថ្ងៃ​អាទិត្យ ៣០ ធ្នូ ២០១២
បាតុកម្ម​របស់​កម្មករ ទាមទារ​ដំឡើង​ប្រាក់​ឈ្នួល នៅថ្ងៃ​អាទិត្យ ៣០ ធ្នូ ២០១២ RFI/Channa Siv
ដោយ៖ ប៉ែន បូណា
៥ នាទី

ដូចការគ្រោងទុក កម្មករ​ប្រមាណជាង ២០០នាក់ បាន​ជួបជុំគ្នា​នៅ​ទីលាន​ប្រជាធិបតេយ្យ​ក្នុងទីក្រុងភ្នំពេញ នៅ​ព្រឹក​ថ្ងៃអាទិត្យនេះ ដើម្បី​ធ្វើបាតុកម្ម​ទាមទារ​ដំឡើង​ប្រាក់​ខែអប្បបរមា​ជូន​កម្មករ ឲ្យដល់​១៥០ដុល្លារ​ក្នុង​មួយខែ។ បាតុកម្មនេះដឹកនាំដោយលោក រ៉ុង ឈុន ប្រធាន​សហភាព​សហជីព​កម្ពុជា។ តំណាងរាស្ត្រ​គណបក្សប្រឆាំង​​មួយចំនួនក៏មាន​វត្តមាន​ក្នុង​បាតុកម្មអហិង្សា​នោះ​ផងដែរ។

ផ្សាយពាណិជ្ជកម្ម

ក្រោម​ការឃ្លាំមើល​ពី​កងកម្លាំងសមត្ថកិច្ចជាច្រើនរយនាក់ លោក រ៉ុង ឈុន បាន​ដឹកនាំ​តំណាង​​កម្មករជាង១០នាក់​យក​ញត្តិ​ទៅ​ដាក់​នៅ​ខុទ្ទកាល័យលោកនាយករដ្ឋមន្ត្រី ហ៊ុន សែន និង​លោក ហេង សំរិន ប្រធានរដ្ឋសភាជាតិ។ គ្មាន​អំពើ​ហិង្សាណាមួយ​បាន​កើតឡើង​ទេ​សម្រាប់ចលនាបាតុកម្មនៅថ្ងៃនេះ។

តំណាង​កម្មករ​ទាំងនោះ ចង់​ឲ្យ​ប្រមុខ​រដ្ឋាភិបាល និង​ប្រធានសភា ថ្លឹងថ្លែង​ដោយ​ស្មើភាព​រវាង​កម្មករ និយោជិត និង​មន្ត្រីរាជការ ។ ពួកគេអះអាងថា ​រដ្ឋាភិបាលដំឡើងបា្រក់ខែ២០ភាគរយ​ជា​រៀងរាល់ឆ្នាំ​ដល់​មន្ត្រីរាជការ ខណៈ​កម្មករ និយោជិត មិនត្រូវ​បាន​គេ​គិតគូរ​នោះឡើយ៕

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ