ពលរដ្ឋខ្មែរ៣០នាក់ទៀតត្រូវបានបញ្ជូនពីឥណ្ឌូនេស៊ី
ចុះផ្សាយនៅថ្ងៃ៖ កែប្រែថ្ងៃទី៖
ពលករខ្មែរចំនួន៣០នាក់ទៀតដែលត្រូវបានសង្គ្រោះពីទូកនេសាទថៃបានមកដល់កម្ពុជាហើយកាលពីរសៀលថ្ងៃចន្ទនេះ។ នេះគឺក្រុមពលរដ្ឋខ្មែរទី២០ក្នុងចំណោមមនុស្សទាំងអស់៦៥នាក់ដែលអាជ្ញាធរឥណ្ឌូនេស៊ីបានរកឃើញនៅក្នុងទូកនេសាទថៃដែលធ្វើនេសាទខុសច្បាប់ចូលក្នុងដែនសមុទ្រឥណ្ឌូនេស៊ី។
ពលរដ្ឋខ្មែរ៣០នាក់អតីតកម្មករនេសាទសមុទ្រនៅលើទូកនេសាទថៃត្រូវបានដឹកបញ្ជូនមកដល់កម្ពុជាហើយកាលពីរសៀលថ្ងៃចន្ទទី១២ធ្នូនេះ។ នេះគឺជាក្រុមជនរងគ្រោះទី២ដែលត្រូវបានជួយសង្គ្រោះពីទូកនេសាទសមុទ្រថៃ បន្ទាប់ពីក្រុមទីមួយដែលមានគ្នា៣០នាក់ដែរហើយដែលត្រូវបានបញ្ជូនមកដល់កម្ពុជាកាលពីថ្ងៃទី៦ធ្នូកន្លងមក។
ពលរដ្ឋទាំងនេះដែលបានអះអាងថាបានចាញ់បោកមេខ្យល់ហើយបានក្លាយខ្លួនទៅជាកម្មករនេសាទនៅលើទូកថៃ។ ទូកថៃដែលបាននេសាទចូលដែនសមុទ្រឥណ្ឌូនេស៊ី ត្រូវបានអាជ្ញាធរប្រទេសនេះឃាត់ទុក ហើយក៏រកឃើញកម្មករនេសាទកម្ពុជាតែម្តង។
កម្មករខ្មែរទាំងអស់មានចំនួន៦៥នាក់។ មន្ត្រីទូតកម្ពុជាប្រចាំឥណ្ឌូនេស៊ី ដោយមានអន្តរាគមន៍ពីអង្គការទេសន្តប្រវេសន៍អន្តរជាតិបានជួយសង្គ្រោះពួកគេពីការងារទាសករជាអ្នកនេសាទ ហើយបានជួយបញ្ជូនពួកគេមកកម្ពុជាវិញ។
ក្រោយពីបញ្ចូនបានពីរក្រុមដែលមានគ្នា៦០នាក់រួចហើយ នៅសល់ពលរដ្ឋខ្មែរ៥នាក់ទៀតដែលនឹងត្រូវបញ្ជូនមកនៅពេលបន្ទាប់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ