Maa kɛmɛ ni bisaba ''130'' ɲɔgɔnna de bonɛna u nila ''Soudan'' jamana kɔnɔ ko sababu kɛ siya kɛlɛ ye

''Soudan'' jamana ka lagandacɛdenw ''Khartoum'' dugu kɔnɔ.
''Soudan'' jamana ka lagandacɛdenw ''Khartoum'' dugu kɔnɔ. Ebrahim HAMID / AFP

Nin ɲɔgɔn kasara ma kɛ kabini ''Soudan'' marabajɛkulu ni Banbaciw ye tɛgɛnɔbila kɛ bɛnkan sɛbɛn dɔla ''Octobre'' Kalo la. 

Ganseli

Darfour marala, mankanw ni  ninjuguya walew bɛ ka kɛ, ka sɔrɔ Diɲɛtɔnba ONU ni Farafinna ta ''Union Africaine'' ka bɛn ni basigi sabatili baara bana soudan jamana kɔnɔ.

O baara tun bɛ senna ni y'a san tan ni saaba de ye. kabini sibiridon makan wilila ''Al-Geneina Darfour'' tilebiyanfan na. Maa 83 de bonɛla u nila o sefɛ. Kunu ntɛnɛ ''Darfour ''mara kelen na, nka a woroduguyanfan na, ye fana siya dɔw karila ɲɔgɔnna, maa 47 de bɔnɛla u nila. 

Seere dɔw ka fɔ la ''Rizeigat Arabu'', u dɔw tun bɛ ɲɔgɔmɛw sanfɛ, dɔw fana tun bɛ moto ni mɔbiliw kɔnɔ. Olu de taara bin ''Saadoum'' dugu kan. Siya min ka ca o dugu in kɔnɔ olu bɛ weele ko ''Fallata''. An bɛ waati minna kun jɔnjɔn yɛrɛ ma dɔn fɔlɔ nin makan ninnu na.

Nka nin bɛɛ daminɛnna cɛfila de ka kɛlɛ sen fɛ. Kabini Sibri ''couvre feu'' bila senkan ''Darfour'' mara bɛɛ kɔnɔ ''Soudan'' mara fan dɔw la. Wa ''Soudan'' marabajɛkulu ɲɛmaa ''Abadallah Hamdok'' ye ciden kɛrɛnkɛrɛn-kɛrɛnkɛrɛnlenw de wili kataga nin yɔrɔ kofɔlen ninnu la, yasa basigi ka se ka sabati. 

Diɲɛtɔnba ɲɛmaa ''Antonio Guterres'' fana ye weele-weele kan bila ''Soudan'' marabaaw ma k'u k'u jija ka se ka nin makan ninnu dɔgɔ faga teliya la. 

''Octobre'' kalo la, ''Soudan'' donnatɛmɛ fanga ɲɛmaaw nin Banbaaci kulu dɔw ye bolonɔbilakɛ bɛnkan sɛbɛn dɔ la. Nka halisisan

makan tɛ ka se ka kɔtigɛ.