Iraq jamana na, benkanniwale dɔ kɛra kunu ka mɔgɔ caama bɔnɛ o nii la, ka mɔgɔ caaman jogin

 Benkanniwale dɔw  Bagdad dugu kɔnɔ,Iraq jamana na.
Benkanniwale dɔw Bagdad dugu kɔnɔ,Iraq jamana na. AFP/File

Yɛrɛfagasu dɔw de ye mugu pɛrɛn u yɛrɛ la k'u to jama la Bagdad dugu kɔnɔ. Mɔgɔ 32 fagara a yɔrɔ la, ka kɛmɛ ni kɔ mandimi. Papu François ani mɔgɔba wɛrɛw y'o ka dusukasi jira nin ko in na. 

Ganseli

Kunu benkanni nin bi Bagidaadikaw hakilijigi balawu wɛrɛ kɔ, min kɛra, a saan 3 le ye ɲinan. walew bɔnin lo, kasara ka surun ɲɔgɔn na. I n'a fɔ saan 2018 na, benkanikɛla fɔlɔ dɔ y'a ka cɛsirimugupɛrɛnta mɛnɛ k'a to feerelikɛla dɔw cɛma Tayaran kɛnɛ kan, Iraq kɔnɔko minisiri ka fɔ la. 

Tuma min na, jama tagara kafo k'o bi dɛmɛ lase kasaratɔw ma,  filanan y'a ka cɛsirimugupɛrɛnta bila a ra, ka yɔrɔ bɛɛ ɲagami.

Sɔrasiw ni dɔgɔtɔsomɔbiliw molibagaw y'o wasa don. Dɔw bi jama dacɛ, tɔw bi dɔgɔtɔsow magwɛn ni mɔgɔ mandimininw ye. 

Mɔgɔ ma wale nin tigiya ta fɔlɔ. Iraq jamanɲamɔgɔ Barham Saleh y'a sɛbɛn bɔlɔlɔ sanfɛ ko nin ti fosi ye ŋaniyajuguw kɔ, min b'a fɛ ka jamana ka basigi nagasi.

Diɲɛ tɔnba, ONU ka lasigiden min bi IRAQ, ale ko:

Nin wale n'a ɲɔgɔnan ti se ka Iraq basigi n'a ka ɲataga bali. I n'a fɔ ale, Etats-Unis ka lasigiden min bi Iraq, fana ye wale nin kɔn.

Diɲɛ keretiyɛnw ka karamɔgɔba Papu François ye bataki ci Iraq jamanaɲamɔgɔ ma, a ko nin walecɛjugu ye,  wa ko dusukasiba lo. 

Papu ka baarabololaninw ra, a tun ka kan ka tagama kɛ Iraq marisikalo nataw ra.