Birmanie: sorasiw ye jamanaɲɛmɔgɔ n'a ka marabaga jɛkulu ɲɛmaa "Aug San Suu Kyi" minɛ
A jɛnsɛnna : A falenna :
O kunnafoni lasera bi ntɛnɛdon fanga polikitɔn fɛ. Kɛlɛbolo y’a lase k’a fɔ k’olu bɛna san kelen ko jugu wagati fɛɛrɛ n'a bɛ weele "Etat d’urgence" bila sen kan jamana in kɔnɔ. Diɲɛ jamana ɲɛmɔgɔ dɔw ani diɲɛtɔnba "ONU" ye fanga dafiri in kɔn.
Birmanie jamanaɲɛmɔgɔ minɛna k’a sɔrɔ bi yɛrɛ sariyabulon tun kan ka baara fɔlɔw dabɔ kalo saba wasaden sigi kalata kɔ fɛ.
"Antonio guterres" diɲɛntɔnba "ONU" ɲɛmɔgɔ ani faragɛlatɔnba ɲɛmɔgɔ "Charles Michel", olu kɛla mɔgɔ fɔlɔw ye k'u kan bɔ, Birmanie fangadafiri ko kan. U y'a fɔ k'a gɛlɛya k'olu ma jɛ ni sorasiw ka fangadafiri ye.
Ko fana sorasiw b'a fɛ ka fanga min di u ka ɲɛmɔgɔ "Minan Leng" man olu k'u ma jɛ ni o ye abada. Kasɔrɔ , nin wagatin in na cɛ in de bɛ k’a jamana ɲɛminɛ.
U ko sorasiw bɛ walejugu min na, o bɛna kɛ sababu ye ka bɛɛjɛfanga yɔgɔ yɔgɔ "Birmanie".
"Etat Unis", "Chine", "Japon", "France" ani jamana wɛrɛw, olu fana y'u kan bɔ ka fangadafiri in jalaki. U y'a ɲinin ko sorasiw ye mɔgɔ minɛnenw bɛɛ labila.
Kabini wasaden sigi kalata jaabiw bɔni kɔ fɛ "Novembre" kalo, san ba fila ni mugan, jamana marabagaw ani sorasiw cɛ kalayara kɔsɛbɛ.
Sorasiw y’a lase k’a fɔ ko kalata in ma kɛ jɛlenyala kan wa ko namara kɛra.