Chine: diɲɛ kɛnɛyako tɔnba "OMS" ka sɛgɛ-sɛgɛli kɛlaw ye dɔgɔkun naani de kɛ ɲinininw la "Wuhan"

Diɲɛ kɛnɛyako tɔnba "OMS" ka sɛgɛ-sɛgɛli kɛlaw  "Wuhan"  bana kisɛw sɛgɛ-sɛgɛlisoba la.
Diɲɛ kɛnɛyako tɔnba "OMS" ka sɛgɛ-sɛgɛli kɛlaw "Wuhan" bana kisɛw sɛgɛ-sɛgɛlisoba la. © MAXPPP - ROMAN PILIPEY

U ka baara kuncɛra ka sɔrɔ kibaruya jɔnjɔn ma sɔrɔ "Covid-19" bana bange cogo kan. U ye jabi dɔw di nka siga-siga b'u la.

Ganseli

Kabi "coronavirusi" bana "covid-19" poyira diɲɛ kɔnɔ "décenbre" kalo san 2019, ɲininkali ye kelen pewu de ye. Bana in sɔrɔ la mun fɛ, adamaden yɛrɛ ka fɛn dilanlendo wa ? A bɔra baganw de la ka yɛlɛma mɔgɔw la wa ? Bɛɛ y'i ta fɔ nka halisa jabi sɛmɛntiyalen fosi ma sɔrɔ a ko kan.

Nin bɛɛ de y'a to diɲɛ kɛnɛyako tɔnba "OMS" ye ciden kɛrɛnkɛrɛnlenw bila ka ta bana i lakodɔn na dugu fɔlɔ min na n'o ye "Wuhan" dugu ye "Chine" jamana camacɛyanfan na, yasa jabiw ka sɔrɔ.

Lɔgɔkun nani sɛgɛ-sɛgɛliw ni ɲiningaliw kɔfɛ "OMS" ka cidenw ma sɔn kuma in ma, k'a fɔ bana in bɔra "Chine" ka bana sɛgɛ-sɛgɛ kɛ yɔrɔ dɔ la i n'a fɔ "USA" jamana ɲɛma kɔrɔ Donald Trump tun b'a fɔ cogomina k'u ŋini na o kuma ma se ka cɛmɛntiya.

Nka diɲɛ kɛnɛya ko tɔnba ka sɛgɛ-sɛgɛli kɛlaw b'u banba a kan kɔni kafɔ "coronavirusi covid 19", min ye kafɔ a bɔra bagan suguya fɔlɔ dɔ la, ka yɛlɛmɛ filana fɛ yani a ka se adamadenw ma ko kuma in de ni ciyen ka suru.

Peter Ben Embarek "OMS" ka sɛgɛ-sɛgɛli kɛlaw ɲɛma yɛrɛ ka fɔ la. A ko fana a bɛ se ka kɛ yɛrɛ sani-feere sira fɛ kungo sogo dɔ kɛra bana in sababu ye.