"CPI": "Grande Bretagne" jamanaden Karim khan de sugandira ka kɛ diɲɛ kitisoba "CPI" ɲɛmɔgɔ ye

 Karim khan, diɲɛ kitisoba "CPI" ɲɛmɔgɔ kura
Karim khan, diɲɛ kitisoba "CPI" ɲɛmɔgɔ kura AFP - SABAH ARAR

Jumadon tɛmɛnen in na "Grande Bretagne" jamanaden Karim khan sugandira ka kɛ diɲɛ kitisoba "CPI" ɲɛmaba ye. Cɛ in bɛna sigi "Gambie" jamanaden Fatou Bensouda nɔna "Juin" kalo tile 16 nata. Nka baara caman de b'a ɲɛ nin jɔyɔrɔ in na.

Ganseli

Karim khan kɛra lafasaba ye CPI ka kiti caman la, i n'a fɔ Libye jamana ɲɛma kɔrɔ Muhamar Khadafi denkɛ Seif Al islam ka kiti kow la. A bɛ so ba in dɔn kɔsɔbɛ. A kɛra fana diɲɛ tɔnba "ONU" ka sɛgɛ-sɛgɛli kɛlaw ɲɛma ye "Etat-islamique" jatigɛkulu ka binkaniwalew la. Nka o bɛɛ la diɲɛkitisoba ɲɛmaya la, baara gɛlɛnw de bɛ k'a makɔnɔ ye.

A ka baara fɔlɔw bɛna talikɛ, Afganistan kan. O la a kan ka tabolo kuraw di sɛgɛ-sɛgɛli minnu bɛ sena Fagali jugu minnu kɛra o jamana in kɔnɔ ka tɛmɛ. o dron tɛ, Karim Khan, Ko gwɛlɛn wɛrɛ b'a ɲɛ, Palestine ni Israel ka bɛnbaliya. San 2014 kɛlɛ jugu min wilila u cɛ Gaza kɔnɔ ni maa caman ni tora a la.

CPI ka kitiw kan ka daminɛn o ko kan. Maa caman de sigilendon ka Kharim Khan ma kɔnɔ o la. Nka a tɛna nɔgɔya, "USA" jamana ɲɛma kɔrɔ Donald Trump tun ma sɔn petu kiti in ma. O sen b'a ni Fatou Bensouda ka bɛnbaliya la.

O bɛɛ fana ye jamana dɔw muruti CPI kɔrɔ. K'a tɛ se fosi la ni Farafinna jamanadenw ni fanta jamanaw wɛrɛ maw ka kiti kɔ. Karim khan kan ka fɛɛrɛw sɔrɔ o fana la yasa ka ja ɲumandi diɲɛ kitisoba ma.