Etats-Unis jamana k'a bɛna dolariwari miliyɔn kɛmɛ fila (200) di OMS ma yanni "Févirier" kalo ka ban

Joe BIDEN, "Etats-Unis" jamanakuntigi.
Joe BIDEN, "Etats-Unis" jamanakuntigi. MANDEL NGAN AFP
A kɛbaga : Oumarou YERO
Sanga 3

Etats-Unis b'a fɛ k'a jɔyɔrɔ fa, walisa OMS ka se ka koronabana kɛlɛ.

Ganseli

Etats-Unis jamanakuntigi kura ka sariya tanin minw b'a ni Donald TRUMP dannafaranya, o la belebele dɔ ye nin ye.

Joe BIDEN ye "Etats-Unis" seen don kokura "OMS" ra, diɲɛ tonboloba min bi kɛnɛyako kunna. wa jamana nin bina a ka bolomafara sara min b'a to OMS ka see sɔrɔ k'a banba koronabana kɛlɛli kan. O kuma fɔra Antony Blinken fɛ kunu, Etats-Unis ka kɔkanko minisiri.

"Etats-Unis" segili bi sɔn ka kɛ fiɲɛ dimanba ye OMS ɲamɔgɔw fɛ, olu minnu jijaw ra halibi ka ɲaa sɔrɔ koronabana kɛlɛli ra diɲɛ kɔnɔ.

Kasoro Donald TRUMP tun dusukasininman y'a yɛrɛ fosi ka bɔ tɔɔn nin kɔnɔ saan 2020 mɛkalo ra. Donald TRUMP tun ye "OMS" jalaki k'a banna ka fɛɛrɛ ta teliya ra ka COVID 19  ɲakɔrɔtigɛ, wa ko "OMS" fana bi Sinuwa jamana ka bila le ra, k'o ma bɛn. Etats tagali y'a kɛ kɛnɛya tɔnboloba fɔnna nafolo caaman, ka d'a kan, jamana nin  ka bolomafara tun ye 15 le ye, kɛmɛ sara la, OMS ka nafolo ra.

"Etats-Unis" jamana ka kɔkanko minisiri Antony BLINKEN ko fana, ko nin ɲataga belebele ye, min b'a yira k'a fɔ "USA" b'a ka  layidu dafa ni "OMS" ye. A ko nin b'a yira fana ko Etats-Unis b'a fɛ ka OMS dɛmɛ walisa a ka jaabi teliman sɔrɔ koronabana ra.