Espagne: San 2020 kɔnɔ, tungaladen wa 2 687 sera Espagne jamana na min bɛ weele "Iles Canaries"

Kɔgɔji tunkalatagala dɔw kɔgɔji sanfɛ.
Kɔgɔji tunkalatagala dɔw kɔgɔji sanfɛ. © REUTERS/Jon Nazca

Espagne jamana polisiw ya ladonniya arabalon k'u ye mɔgɔ 14 nɔminɛ yɔrɔ la min bɛ welee "Iles Canaries". Olu kun k'a baara ye ka tunganladenw dɛmɛ ka don Espagne jamana kɔnɔ.O ka bilasirali kɔgɔji sirataa dɔ senfɛ mɔgɔ 3 kun fagara.

Ganseli

Mɔgɔ minnu sara tungaladenw cɛra, san 9 den kelen tun bula. Minnu kun ka baara ye k'u dɛmɛ ka don Espagne jamana kɔnɔ, o ye mɔgɔ 14 ye n'o si bɛ ta san 19 ka ta blia 45 ma. Cɛ 13 ni muso kelen.

Polisiw ka fɔ la, olu kun bɛ tungaladenw ta kurun mananmanw na ka se Espagne dugu min bɛ weele "Iles Canaries". O waleyaw kɛra Décembre ni Janvier kalo la.

Polisiw ka kumalasela ka fɔla tugaladenw dɛmɛbaga ninnu bɛ bɔ Maroc, Mali, Gambi, Mauritanie ani Guinée jamanaw kɔnɔ. Polisiw k'u mɔgɔ 237 de ta ka kɔgɔji tigɛ, o cɛra denmisɛn 26 kun bula. O tapmaw ci ma kɛ lakana kɔnɔ, o de kɛra sababu ye dɔ bɔnena o nin na tamaw kɔnɔ.

Tungaladen dɛmɛbagaw ninnu kun bɛ wari min minɛ tungaladen kelen kelen fɛ, u ka siratigɛ sara ye, a bi daminɛ million 1 ni wa 60, ka yɛlɛ fɔ million 1 ni wa 100 ɲɔgon ma.

Espagne jamana kiriso ya yamoriya ko mɔgɔ 14w ka bila a bɔlɔ kɔrɔ sanko u ka se ka kiri. Jalaki caman b'u kan. U ye saya lase mɔgɔw man o ya juguman.